855
368 ASTHMA
quo semina Asthmatis sint manifestiora.
(27) Enimvero tam in Consule, Cive & Ve¬
natore, quàm in Canonico, stat Asthma in
semine virulento, quod spiritum alicujus
visceris, pro radice atque diversorio, est
nactum. Seminis autem illius proprietas
est, contrahere poros pulmonis, quibus
anhelitum in thoracem transmittit. Cujus
constrictionis necessitas apparet statim in
dentibus atque gingivis. Afficit namque to¬
tum, quia dispergitur in organum toti co¬
munem Archeum. Renes ideò enim
emulgent lotium, alvus solvitur, mugiunt
intestina, sanguificatio cespitat, cor pal¬
pitat: atque tandem pulmo contrahitur,
non secus atque Scrotum, sub assellandi
cupidine. (28) Est autem nidus Asthmatis in
Duumviratu, (de quo agam tractatu sin¬
gulari) undè videlicet totius modera¬
men pendet: nam alioqui malum non
sedet immediatè in spiritu influo: quod
scilicet unica accessione terminaretur:
etenim nisi stabilem intus radicem obti¬
nuisset, non repeteret, uti nec persevera¬
ret.
Tum denique character mali, qui in sta¬
bili parte tantisper dormit, non videtur
alibi stabulari posse, quam undè regimen
corporis pendet, adeoque & cordis praero¬
gativam assumsit. Est ergo Asthma, in hoc
Epilepsiae simile, quod licet non mentem
feriat, non contrahat nervos, aut synco¬
pen concitet: dormit tamen in aliqua se¬
de, unde tandem, contagione quadam
Archeum inquinans, si non nervos, sal¬
tem pulmonem contrahat. Respicit nimi¬
rum singulariter illud viscus: Imò licet
pari passu, venas, renes, & iecur contra¬
here videatur: non est tamen horum tam
manifesta laesio, qualis in praefocando sen¬
titur. Quae cuncta adhuc clarius constant
in Cive & sene sexagenario. Hinc namque
ab infantia, lienem malè affectum, simul¬
que epilepticos insultus, retinuit: pulmo¬
nem aliàs sat liberum. Ille verò, per ago¬
niam pudoris, irae, vindictae, & rationis
imperantis modestiam, ostendit viscus si¬
bi laesum, in quo primi conceptuum mo¬
tus stabulantur.
(29) Licet itaque libertate philosophica, Asth¬
ma nominare caducum pulmonis. Est qui¬
dem nidus ejus in Duumviratu; morbus
totius quoque, quatenus membra cuncta
tum, totius rectorem, concutiat. Attamen,
in area thoracis fructificat, respicitque sin¬
gulariter ipsum pulmonem, velut suę pro¬
prietatis scopum, & obiectum proprium:
e veneno fit iste caducus pulmonis, quod
proprietate sua Pulmonem afficit, non se¬
cus atque cantharis lotii organa. (30) Venenum
scilicet aliquod est, quod caput, totumque.
hominem, in epilepsiam sternit, multoque
insolentius, atque mirabilius, quàm quod
Pulmonem stringeret. Affectus tamen ra¬
ritas, non ausa est compellere ad epile¬
psię cujusdam positionem. Cùm tamen in¬
terim, quicquid epilepticum adultum sa¬
nat, sanet etiam Asthmaticum. (31) Ex utero
etiam vidi surrexisse virus, quod nil prae¬
ter gulam stringeret, sic ut à trimestri vix
quicquam deglutiret matrona illustris.
Accessi, malum cognovi, & confestim sa¬
navit illam Dominus. Prae macie enim &
fame, continuo caduco infestabatur, & à
37 diebus secessum unicum habuerat ad
glandis magnitudinem. In Consule qui¬
dem consistit virus in liene, ideoque cum
febri incepit, incipitque semper, quod fe¬
brilibus initiis fuerit ibidem confermen¬
tatum. In venatore verò circa os stoma¬
chi, cumque eum apprehenderet, fuit à fe¬
brilibus initiis immunis. Adeoque & suum¬
paroxysmum inchoat per modum caduci,
estque etiam quotidianus ejus insultus,
quod cordis rhithmum exprimenti visce¬
ri, sit concentricum fermentum sui Asth¬
matis. In hoc ideò confabulatur cum ex¬
centricitatibus tempestatum, in eo autem
non tam promtè illis auscultat. Vtrobique
enim exspectare debet sui maturitatem,
& commistionem cum spiritu totius. Id¬
coque montana & aestiva loca maturant,
festi¬