855
ESSENT. DE MORBOR. EXERCITU ESSE. 405
demonstratum, naturam non pati quatuor
elementa. Nec illorum admittere con¬
gressum, ad corporum concretorum con¬
stitutionem, & consequenter nullam esse
elementorum contrarietatem, & velita¬
tionem, ad morbum vel remedium. Se¬
quitur indè etiam, nullam proprio nomi¬
ne dici quintam essentiam, si quintum
dicat necessariam relationem ad alia qua¬
tuor. Est ergò inventum quintae essentiae
chymicum quidem: sed philosophorum,
qui ante me ignorarunt elementorum
numerum, essentias, & mistionis nullita¬
tem. Quae si Paracelsus scivisset, haud
dubiè essentiam, quam quintam vocat,
quartam nuncupasset, respectu trium pri¬
morum. Putavit nimirum corpus unum
quodlibet constitui, pro ut & resolvi, tam
arte, quam naturâ, in haec tria, & nil prae¬
terea superesse. In tanta enim novitate
inconstans nescivit, cuinam lateri se prae¬
cipitem daret. Subindè namque elementa
negat corpora; sed vocat inanes vacuasque
matrices, loca & sedes corporum: corpo¬
ra autem omnia esse nil nisi tria prima,
non autem elementa. Alibi verò antece¬
dentium gregem secutus, docet elemen¬
ta in singulis corporibus superesse, repe¬
riri, atque inde salva educi. Ita ut illorum
essentiae & corpora in misto permaneant,
tantum per mistionem conglomeratae.
(45) Certè tam in tribus primis quam essentia,
quinta, non minus iejunè Paracelso hodiè
est subscriptum, quam fuit hactenus ele¬
mentorum, mistionum, & complexionum
fabulis. Nupero enim saeculo coeptum
est sine indagatione, novitatibus plausibi¬
libus invento Paracelsico, fidem atque no¬
mina dari. Quanquam hactenus neminem
viderim, legerim, vel audiverim, qui po¬
tuerit, multoque minus ausus fuerit, tria
prima è corporibus adaequatè separare.
Quapropter hanc propositionem statuo.
(46) Tria prima inventum sunt nuperum,
contra naturae & rei veritatem.
Thesis prima.
Licet è quibusdam tria prima, pro parte
per ignem eliciantur: non tamen id sit per
separationem eorundem praeexsistentium:
(47) sed quatenus per transmutationem ab igne
factam, ibidem generentur, tanquam nova
entia, fiatque, quod non erat antè.
Secunda.
Surculus arboris adhuc herbascens u¬
nius librae, vix dabit olei drachmam: qui
sub Octobrim lignescens dabit circiter
drachmas septem olei. (48) Ac tandem in Fe¬
bruario post, dabit fere binas unicas olei:
& quintuplo plus carbonis ac cineris, quàm
antè in Augusto.
Tertia.
Quae ab initio constitutiva non inerant,
non possunt esse prima: sed ipsamet fiunt, &
commutantur in invicem, ut posteriora, se¬
minum directionibus factitia, atque oriunda.
Quarta.
Aqua elementalis fit oleum in vegeta¬
bilibus, animalibus, & sulfuribus: item
omne oleum cum adjuncto, facile reduci¬
tur in aquam. (49) Principia autem caeterorum
prima, non possunt commutari in invicem,
aut esse desinere, id quod erant antè.
Quinta.
Quędam corpora non continent tria, sed
unico vel duobus tantùm sunt contenta.
Sexta.
Sunt corpora quaedam, undè usitatis hac¬
tenus artificiis nunquam fuerunt separa¬
ta tria, quae adaequato pondere, corpori,
undè ducuntur, aequilibrent semper.
Septima.
(50) Quaedam corpora sunt omnino immu¬
tabilia, & inseparabilia, nec continentia
dualitatis. Juvat haec, in gratiam Tyro¬
num, alienis commentis facile subscriben¬
tium, paulo accuratiùs explanare. Inpri¬
mis enim ligna continent aquam, & o¬
leum: non carbonem. Qui non inerat,
sed producitur per artem. Nec inerat nisi
materialiter, potentialiter, remotè. Nec
unquam nisi per ignem indè fieret. Car¬
bo denique, nisi aperto flagret igni, nun¬
quam tantillum mutatur, tantum abest,
quod in cinerem aut salem vertatur. In
carbone,
Ggg