855
460 PHARMACOPOLIUM AC
dum est, ut oculos animae aperire digne¬
tur, qui Adamo, quique Salomoni, rerum
proprietates primo intuitu demonstra¬
vit. S. Theresa, mentaliter viso semel Cru¬
cifixo, sensit animae suae esse oculos, quos
in vitam apertos servavit deinceps, & ca¬
ro nobis occlusit, per naturae corruptio¬
nem. Neque enim aliàs, de caetero cogno¬
scimus naturas à priori, neque Archei al¬
teritates modò scimus, nisi per nudam ob¬
servationem. Multa quidem nobis sim¬
plicium legata sunt; at falsa plerumque
& incongrua. Nec librorum lectio, nos fa¬
cit cognitores proprietatum, nisi per ob¬
servationem. Non secus atque puer, qui
canit musicen, non tamen eam componit,
ut neque Symphoniae primas rationes no¬
vit, ob quas sic toni disponendi erant.
Hoc si accidat in sensibilibus sensu notis,
quorum rationem metitur auditus: quid
non fiet in re medica, in qua vires simpli¬
cium, nullo sensu perviae sunt: Medicami¬
num autem quorumcunque descriptio¬
nes, in officinis traditae leguntur, cum de¬
fectu cognitionis proprietatum, & con¬
cordantiarum. Loquor enim de optica no¬
tione, qualem anima, separata à corpore,
habet, qualemque Deus largitur in hac
vita, cui vult, atque hunc hactenus procul
diremsit à coetu illorum, qui libris ethni¬
cis omnem deferunt venerationem. Exo¬
randus itaque est Pater luminum, ut di¬
gnetur nobis dare cognitionem, qualem
olim dedit Bezeliel, & Ooliab, in nominis
sui gloriam, & nudam proximorum cha¬
ritatem. Sic enim staret in nobis Ars Me¬
dica, recta sub quolibet pondere. Sed ve¬
rendum ne is, qui permisit perire libros
Salomonis, reservet hanc simplicium sci¬
entiam in aevum Eliae artistae. (15) Scholae
enim, per sapores, sive gustus, introitum
ad simplicium scientiam promiserunt. Per
acre, amarum, salsum, dulce, astringens,
acidum, & insipidum, calores & frigora, se¬
demetiri, tanquam proprietatum cuncta¬
rum opifices. At superbae ostentationes,
effectu ridiculae factae sunt. Siquidem &
opium valde amarum, quod hactenus ca¬
lidum volunt, summè tamen frigidum do¬
cent. Sic acrem Camphoram, iuxta suas
regulas, calidam esse debere, frigidam ta¬
men absque controversia praedicant. Pa¬
riter & Chrysulca, oleum vitrioli, sulfu¬
ris, etc. acida, iuxta saporum regulas, sum¬
mè frigida esse deberent. At suo quando¬
que loco ostensurus, Scholas, facultates
rerum, nondum cortice tenus adspexisse,
ideoque seminalium proprietatum fon¬
tes praeteriisse. Tandem est rebus singu¬
lis specificus sapor, qui proprietatem do¬
cere deberet, si quid aliud externorum
signatorum. Est nempe praeter acuitatem
Cinnamomo peculiaris gratia in sapore,
quam in ullo vix praeterea simplici repe¬
rias. Sic Gentiana, aenula campana, etc.
praeter communes amarores, specificum
saporem habent, qui subter regulas, ob
singularitatem propriam quorumcunque
simplicium, redigi nequit, solusque pro¬
prietatum singularum, est accusator, ut &
distinctor. Porrò quod simplicia deligen¬
da sint in statione, quâ in sui vigore sunt,
hoc scholis, rusticis & mihi, est commu¬
ne. Semina nimirum, dum propemodum
sunt arida: Caules verò & folia, dum suc¬
culenta pleno cruore madent: radices
quoque, dum viribus tument, nondum ge¬
nerando & coquendo exantlatae sunt: sed
multa iam quiete saturae, expergefacto
Archeo germinascere meditantur. Alii
suadent Autumnum: Ego plerumque
amo ver. Quod in Polypodio, Brionia, etc.
expertus didici. Etenim succus herbarum
est cruor, qui magis magisque maturatus,
vel cogitur inse, vel in fibrarum naturam
desinit, vel saltem defungitur, dum vis vi¬
talis de propagando semine meditatur.
Ergo indagandis, & deligendis simplici¬
bus, nil mansit magis neglectum, quàm
quod maximè desiderabatur, & in quo,
vel ab initio hactenus, nullus fuit profe¬
ctus. Potestates nempe simplicium, ea¬
rumque immediata subiecta, mansere in¬
cognita. (17) Illae enim praeter claram ac velut
opticam