855
528 RESPONDET AUTHOR.
("nil enim tam occultum, quod non revelabi¬
tur") manifesta fiet doctrina, quam modo
per hoc volumen evulgavi. Opto saltem
tempestivius id accidat, ob animarum sa¬
lutem, & familiarum custodiam. Ad me
autem quod attinet, iam à multis annis ae¬
gros non inviso; nec quenquam invito, ut
mea utatur opera, quod nostratibus sat
cognitum. Quippe qui quaestum ex alie¬
nis miseriis non paro: aegrorum autem
neminem citra consolationem à me di¬
mitto. Cessent quoque scholarum sten¬
tamina, authoritatem à possessionis vetu¬
state implorantia. Siquidem non cadit
praescriptio in naturam. (23) Dono namque
paganismum Christianismo seniorem.
Praesuppono quoque scholarum errores
mox cum paganismo incepisse. Nova &
inaudita quae doceo, quia Deus nostri ge¬
neris misertus, sub hac dierum plenitudi¬
ne, thesaurum veritatis aperuit, quando
sibi placuit. Pro cunctis paganicae scholae
alumnis, ut discant deinceps tutiori as¬
sentiri doctrinae. Etenim prae veteri abu¬
su mareida, cariosa, & verminosa sunt,
quae veri succo demonstrantur orba.
Quia universaliter & singulariter verum
est, quod falsum & tenebrosum sit omne
donum, quod non descendit à Patre lu¬
minum: non est autem credibile, Ade¬
ptum medendi illuminasse Scholas Gen¬
tilium, quarum posteritas tanta theore¬
matum caecitate adhuc medetur, orbata¬
que est medicaminum favore, vigore, ho¬
nore. (14) Facessant & iactantiae, quod à Pote¬
statibus mundi celebrentur, quotcunque
sermocinali doctrina praefulgent. Non
enim auloedi sunt medici, quos creavit
omnipotens: sed in compassione charita¬
tis medentur peculiariter pauperibus, eo¬
que symbolo agnoscuntur. Pater autem
pauperum benignis oculis adspicit, qui
obsequiis miserorum suorum vacaverit,
in sui Christi memoriam. Subtrahunt sese
populi, & magnatum adulationibus suo
pure vivunt, inturii nemini. Vnicoque si¬
gno à medicastris distinguuntur, quate¬
nus bene agendo, ab his vilipendium pa¬
tiuntur, & lubentes tolerant. Imò popu¬
lus (cui sunt benefici) obloquitur, & ob¬
gannit. Quia ista est sors, quam suis per¬
petuò reservat Dator luminum. Etenim
absque spe lucri, procurant esse miseri¬
cordes. Sin autem illis sponte detur num¬
mus, recipiunt quidem; sed non nisi in
priores usus reponunt. Sunt autem rarissi¬
mi, nec obvii in aulis principum. In epi¬
taphio Imperatoris olim scriptum erat.
"Turba medicorum periit": Adeo hominum
sunt infelicissimi Principes, quibus nemo¬
veritatem dicit: sed adulatoribus stipati,
nil nisi blandimenta audiunt, ac deceptio¬
nibus aluntur. (15) Non saltem est Princi¬
pum, novisse eligere optimum medicum,
cui vitam fidant: sed hunc commenda¬
tum, vel adscitum à priore medico, susci¬
piunt. Sicque in aulis, continuata serie
perseverant. Ac proinde Princeps ple¬
rumque non est numerandus inter vita
longa dotatos. Nam etsi honoraverit pa¬
trem suum: longaevitate tamen sibi pro¬
missa spoliatur ab infidis auxiliatoribus.
TANTUM.
TRA¬