855
608
DE CONCEPTIS.
ineptè, integrae, à corruptis discerni pos¬
sunt. Etenim cum gubernet seipsum ute¬
rus, vivatque è cruore alieno, proprio or¬
be: ideo vix malè valet, nisi infirmatus ab
ente Conceptorum: Imò semper quo¬
dammodo insanit, quoties malè valet.
Nam sive steterint menses, sive immodera¬
tè fluxerint, decolores sunt, aquosi, nigri,
grumosi, paucitate peccent, gonorrhoeae
promanent, vel uterus ipse, loco motus,
deleat immensum excentricus, sive de¬
mum immotus, Blas pariat alterativum,
producatve effectus incantamento con¬
sanguineos, sive tandem suscitet ens apo¬
plecticum, epilepticum, paralyticum, ver¬
tiginosum, hemicranicum, cardialgiacum,
Ictericum, hydropicum, syncopticum,
Asthmaticum, spasmades, Cardiacum, etc.
perinde est. Quoniam non nisi per scenas,
furor suus variat, quibus sua abutitur po¬
testate, luditque uterus libertate monar¬
chali in totum integrale. Siquidem abs¬
que aporrheis materialibus, claves gerit,
quibus pandat venas, haemorrhagias in¬
credibiles suscitet, citraque sui motum
ullum, poros pulmonis ex voto claudat,
imò totius corporis diapnaeam tollat suo
nutu. Etenim lunae praesidet in corpore,
aetatem, naturam, maturitatem, praecocita¬
temque spernit. Itemque abortus facit, &
foecunditatem tollit, atque interim suum
furorem voluptuarium complet, tyran¬
nide despotica. ectigationes artuum, lo¬
quelae privationes, exarthroses condylo¬
matum pro furoris luxu perficit. Et licet
mulier tantis sub malis non dementet
insanit tamen uterus in praefatis omni¬
bus exorbitationibus. Misera ergo, quae
tali subiacet imperio: subest inquam tot¬
morbis, quatenus homo: & iisdem paret
iterum ex ente uteri. Duplex enim & ho¬
die luit piaculum, quasi in Eva duplicis
peccati rea. Non est attamen uterus, pars
hominis, ut homo est. Inest, quidem ho¬
mini, vivitque ex ejus cruore, non secus
atque viscus ex arbore: totique pars illa
sexualis imperat, multò potentius, quàm
testes in gallo taurove, qui in suis castra¬
tis, insignes varietates exprimunt. Siqui¬
dem nedum quaelibet pars auscultat ute¬
ro: sed insani uteri violenta imperia, cor¬
pus muliebre, unà cum vita, luunt. Passio¬
nes scilicet animae, dumtaxat uterum, vel¬
ut dormientem canem excitant, & uterus
inde saevitiam sumit, suaeque insaniae,
mox insontem mulierem poenitere cogit.
Quinimò & non rarò in ipsas potestates
mentales, à quibus pridem fuerat irrita¬
tus, suum reflectit furorem, ut absolutum
in omnia sibi imperium jactitet. Ideae
namque passionum animae, quoties utero
importunae, si in vim irascibilem uteri in¬
troducantur, eamque penetrent, confe¬
stim ut peregrinae & exosae, illam turbant.
Vndè impatiens, in varios furores sei¬
psum concitat. Quod & Platonem vel in¬
de non latuit, dum uterum, animal furio¬
sum nuncupavit. (19) Denique quamvis ab
uteri furore, propria tam ejus coquina la¬
boret, quam aliarum partium, à se appre¬
hensarum, atque inde varia suscitentur
excrementa, seminalibus furiarum Ideis
insignita: sunt attamen isthaec dumtaxat
producta. Id est, Quanquam amentiae à
Conceptis ortae, pariant stultas suas
Ideas, easque depingant in alienis excre¬
mentorum tabulis, sui inordinatione par¬
tis (pro ut rabies canum transit in sali¬
vam) attamen per ablationem occasiona¬
lis producti, licet morbi allevientur, non
sanatur furor uteri. Quia istud produ¬
ctum ablatum, posterius erat, nec prio¬
rem in radice insaniam causans: ita nec
attingens; sed tantum aggravans. Etenim
sanatio amentiae, è Conceptis, in utero
conceptae, requirit Ideae suroris extin¬
ctionem, per arcana appropriata (20) (nam
per oppositas Ideas superari nequeunt,
cum iam mulier inhabilis est, ad forman¬
dum Ideas sibi salubres, tantisper atque à
furore uteri, compescitur) atque deinde,
organi rectificationem: Alioqui namque,
persacilè repetit insania. Helleborus qui¬
dem (qui Amentiae singulariter com¬
men¬