413
368
Comment. Alchem. Part. I. Lib. VI.
modum, qui solum finem in his considerant, quasi ex hoc tracta sit appellatio magis, quam ex mo¬
tus natura, vt Generatio à generato, corruptio à corrupto, augmentatio ab aucto, deminutio à de¬
minuto, & sic in caeteris, cum mirabile sit motum denominari à fine potius, quam essentia & gestione
propria.
Cur quaeso non contra dicendum est, coctum ideo dici, quia coctione sit factum, & genera¬
tum quia generatione? Cum finis est, quies est motusque definit. Ex immobilitate motum ap¬
pellare quid ni sit absurdum? Qui ergo nostris artificibus obstrepere fuerint ausi, scire debent,
non vsque adeo oboesae naris eos esse quin & istas subtilitates queant ludere. Nostra coctio est exal¬
tatio perfectiua, qua abiecta crudioris rudiorisque seu imperfectioris naturae forma, inducitur per¬
fectior agente interna potestate caloris adiuuante arte, in illo ipso, quod coquitur. Ea est duplex;
Digestio & circulatio, de quibus suo in loco. Altera perfectionis species est INSTAVRATIO,
in cuius vocabuli electione non minus laborauimus, quam in illo; Et poteramus vti etiam Renoua¬
tione, regeneratione, transplantatione, &c. Differentia formalis est, vt significetur perfectio per plus¬
quamperfectum in alio, quod in se formam imperfectionis habet, ita vt coctio sit perfectio in ipso,
quod coquitur, sed instauratio motus ad perfectionem in alio per id, quod prius in se fuerat perfe¬
ctum. Vt exemplo res elucescat, sicut in natura coctio est, cum ex nodo pomi post florem fit perfici¬
turque pomum agente intus principio naturali, & foris calore temporis: ita in arte prima materia la¬
pidis interna virtute, auxilioque artis & caeteris bene dispositis proficit ex crudo in coctum coctionis
motu, nec fit transitus virtutis & operationis in aliud sed manet in ipso. Sic cum vini quinta natura pa¬
ratur, ipsa per se sola debitis adminiculis perficitur, nec agit in aliud. At cum haec ipsa iam ad summum
exaltata committitur cum aliis dispositis, vt & haec exaltet, & sui similem vim illis conferat, aut sal¬
tem id producat in nobiliore genere, quod aptùm est sic prodire: instaurationem vocamus, quae est
exaltatio vel perfectio transitiua, qua per medicinam perfectam id, quod imperfectum est, perfici¬
tur, & in nouum genus transscribitur, eo quod natura aptum erat ad suscipiendum talem mo¬
tum, sed accidente quodam fuerat prohibitum. Et haec est primum vis huius perfectionis. Dein¬
de est & analoga altera, vt infra docebitur. Permittimus liberaliter Philosophanti, vt transplanta¬
tionem vocet, ex eo, quod in hoc genere excellit. Aliis placebit interpollatio, μετασχημάτισις μεταμόρ¬
φωσις etc. Sed vt pedem figamus, innouationem, vel instautationem retineamus. Ea est Fermentatio,
& proiectio, quae constat transmutatione, & Tinctura, de quibus specialiter deinceps.
Secunda species exaltationis est GRADATIO, quasi in gradu exaltationem dicas. In hac
substantiam ponimus eandem, tanquam scalam quandam. Sed cum humilitatis, & altitudinis ratio¬
nes, easque ôαa permutatim vel alterne, (Logici subalterne dicunt) per successionem ita ad¬
mittat, vt antecedens intermedium humile vel altum sit respectiue, quod fieri non potest, nisi in dis¬
positionibus, vel partibus substantiae deinceps se habentibus: In Chymia vero exaltatoria substantia¬
les rationes alii generi sint dicatae: relinquitur in affectionibus nobilitatio, qua gradatim euehitur res
locaturque in sublimiore dignitate; veluti: Aurum idem manet in sua natura; sed differunt gradu
aurum Garumnae, Americum, Indicum, Arabicum: vel in auro eodem manente idem quoque est
color, sed remissior huius, intensior illius. Ita fixitas discrepat gradibus. In tincturis rubedo gene¬
rice eadem est, sed quae in purpura dibapha & hysgino altior est, quam tyria simplici. Hanc exal¬
tandi rationem innuimus titulo Gradatoriae, quam & simpliciter Gradationem vocant, vt sit Exalta¬
tio ad gradum qualitatis sublimiorem substantia manente eadem.
Quam ob causam etiam ita tractanda est, vt salua essentia dignitas in accidentibus fiat subli¬
mior. Quod si non tam firma substantia subiectumque est, vt id sustinere, queat secundum ratio¬
nem speciei suae competentem, docimasticum inde nascitur iudicium, vt sic gradationi accida et¬
iam examen iusti & iniusti, seu legitimi & illegitimi, idque iuxta peruulgatam probandi consuetudi¬
nem. Est quidem omnis RECTI regula simul etiam improbi Elenchus: sed hic speciale quid eue¬
nit iuxta requisita artis probatoriae, quam in metallis & gemmis experientia constituit, & gentium
consensus comprobauit. Huius operationis species cum sint plures, artificiosa dichotomia eas è suo
genere deducere, non parui est laboris. Tentemus quantum possumus. Caeteros decet defectibus no¬
stris veniam dare, & aliquid exactius proponere.
Duplex est Gradatio; Perustio vna, Emundatio altera. Illam Graece appelles διάκαυσιν, hanc
καθάρισιν. Discrimen in hoc est, quod diacausis magis interius graduet, sed catharisis magis foris,
quanquam per industriam euenire possit, vt vtrumque emergat ex vtroque in certis speciebus singu¬
larique ingenio, qualis abusus valde frequens est in hac arte. Deinde Diacausis totum scrutatur vn¬
diquaque, nihilque omittit intactum. Catharisis nonnunquam item penetrat, sed magis in cortice
cuteque haeret. Illa interiora absolutioraque habet examina, haec ad oculum satisfacit magis. Ac¬
cidit autem Diacausi & fixatio quaedam. Eadem sustinere & alia munia potest, & ministram opem
porrigere pro artificis arbitrio. Distinguitur εκπυρωσει, seu ignitione acuta, & illuminatione. Illa
sordes & alienitates fortiter delet, atque ideo inter examina vltima est, si rem metallicam spectes
& perfectionis argumenta, exquisite quaeras. Sed illuminatio restituit dignitatem euidenter & de¬
terget etiam, si quid per vehementiam violentiamque ignitionis acutae pollutionis & inquinamenti
haeret, quandoquidem fieri non potest, vt tam valida gradatione non aliquid pyreumatis sit contra¬
ctum, aut alienus color inductus, aut halitus ex acutis Medicinis attractus & labecula assumta. In¬
de nomen est illuminationi, quia obfuscatum lumen restituit, luminaribus quidem metallicis prin¬
cipaliter, caeteris ex analogia, si quae sunt talia, vt sic graduari queant. Non enim omnia omnibus
elaborari