413
371
De Exaltationibus,.
sublimioris naturae efficaciorisque, quam crudum & indigestum. Itaque Chymica nominis ratio est,
ab excellentiore termino immutationis ad statum praestabiliorem, quanquam coadiuuent quaedam
virtutes comites. Ita & quatuor sunt virtutes in digestione Macrobiana, quae administrandam alimo¬
niam receperunt; Et tamen vox est ex digniore, fineque allaeosios in naturam praestantiorem, qua di¬
gestum est concoctum, immutatum in succum naturae animatae conuenientem, inde in sanguinem,
& substantiam membri cuiusque materialem.
Vlstadio digerere interdum est idem, quod fermentare; vt cum inquit; "Est differentia inter fermen¬
tandum seu digerendum, & circulandum etc." Vocatur aliquando & maceratio, propter affinitatem, vel
etiam concursum. Similitudines facile gignere allegorias & catachreses, notum est. Differunt tamen
maceratio, digestio, & fermentatio.
Maceratio potius est praeparatio quaedam in putrefactione ad dissoluendam compagem conti¬
nentiamque partium, vt facilius extrehatur essentia; vel etiam inseruit deliquio, puluerationi, amal¬
gamationi, & aliis. Quod maceratur, propriè tabe resoluitur, seu extabescit, fitque exile & tenue,
consumitur, attenuatur. Quocirca competit hoc opus rebus elaborandis separandisque; sed non ela¬
boratis & exaltandis.
Digestio vero non illis potissimum destinata est, sed essentiis nobilitandis. Nec refert dici ali¬
quando digestionem, vbi pronuncianda erat maceratio, & contra. Aliud est praeceptionis propriae
ius; aliud est precaria & amica iure cessio. Vulgo macerantur & ea, quorum sapores mutatos cupimus,
vt salsamenta & lupini fumoque durata; item quae volumus mollefleri vt pisces arefactos. Pharmacopoer
Chymici macerant herbas siccas & aromata &c. ad aquas inde eliciendas, ad dissoluenda gummi & sic
in aliis. Ab omnibus his modis alienam esse veram digestionem, indicat eius descriptio & dignitas ad
perfectionem exaltatoria.
Fermentationem significare motum à fermento in aliquo subiecto mobili, mox comprobabi¬
mus. Solet autem in digestione agente calore existere partium modus quidam alteratorius agilisque
& discessio, quod simile est fermentationi, qualis fit in electuariis & opiatis officinarum. Sed haec
fermentatio est motus ad mistionem, non ad perfectionem, quam quaerimus exaltando, itaque alienius
paulo Digestio fermentatio appellatur.
Porro circulatio quoque videtur aliqua digestio esse, Et sane nonnulla sunt communia. Sed
Vlstadius rectè inter esse inter vtramque annotauit. Aliud est vitrum digestorium, aliud circulatori¬
um, si rationem propriam spectes, quanquam alterum pro altero substitui possit vrgente necessitate.
Quocirca primo differunt instrumento concipiente. Deinde digestio segregationem habet comi¬
tem; sed circulatio nihil per se segregat. Ex accidente verò etiam in hac potest euenire separatio. Ter¬
tio digestiuum vitrum totum est in calore, sepultumque. Sed circulatoriùm aliqua extat. Vnde &
quarto illa perficitur calore solo; haec & frigore aliqua admisso: Quinto digestio magis in fimo peragi¬
tur vel Athannorem, pro quibus & balneum &c. potest instrui: sed circulatio per se fimum respuit.
Veruntamen & in his dominatur occasio, necessitas, arbitrium artificis, & prudentia. Alioquin fimus
inseruit rectius putrefactionibus. Sexto propria forma & fine distant digestio & circulatio, cùm hic in
orbem sit reuolutio; ibi etiam in rectum progressus; imo digestio absque motu locali potest peragi,
quod non circulatio. Sed haec patebunt magis in sequentibus.
Cùm putrefactio instituitur, vna est maceratio, si quidem humor subest vel adiicitur, non au¬
tem digestio, quanuis & hic licentia laxet fores catachresium, Et est vix vlla disciplina, in qua practici
occultandi caussa (Paracelsicis obrepit etiam inscitia & ruditas) tam mutent vocabula, & similia affini¬
aque transforment.
Digestio est perfectio digestiua: seu est exaltatio per coctionem Philosophicam cum alteratione
immutationeque ad formam digesti.
Caussa foris agens calor est artificio sapiente administratus. Intus dominantur virtutes perfe¬
ctiuae & allooeticae, quibus fit motus ex crudo (quod respectiue dicitur) ad concoctum dige¬
stumque.
Vasa adiuuantia comprehendentia sunt sui generis & quidem depingunt aliqui cucurbitam cum
alembico caeco; aliqui ouum Philosophicum; nonnulli phiolam: quidam matulas mutuo iunctas &
commissas. Sed abuti possumus etiam circulatoriis.
Vasa caloris administrandi regulariter sunt fornaces, quae Athannores dicuntur ad similitudi¬
nem humani ventriculi expressae. Sed adhiberi possunt & digestorium vapidum, balneum maris, in¬
humatio in cordo madente, in vinaceis; item fimus, solis calor, dispositio ad fornacem vaporarii; di¬
ploma particulare & hususmodi.
Athannor & siccis & humidis digerendis conducit. Itaque vas coctionis Philosophiae primum
dicitur.
Debet autem vitrum, vel quodcunque vas continens vndiquaque à calore ambiri, vt sic reuer¬
beratio quaedam fiat, & aequalis habitudo actioque. Nam quod digerendum est, minus subtile est &
virtuosum. Debet itaque vndiquaque ab agentis virtute tangi, vt & maturescat, & excellentius eua¬
dat. Hoc cum probè fiat figura coelesti, vel sphaerica, non immerito clausas, cameratasque fornaces
digestioni destinant, quarum formas potes ex superioribus discere. Ne quid desideres, apponimus
figuram talem.
Sol Dige¬