413
376
Comment. Alchem. Part. I. Lib. VI.
esse, qua omnia corpora in oleum reducuntur, & qua medicina fit fluida, quae est & quinta essentia;
& oleumsolis, lunaeque. Verùm enim vero non necesse est fermentum hoc omnino habere formam
aquae vel olei, quanquam ita dicatur propter vim aquae & olei, illius nempe, quia est gluten, quo me¬
diante cohaerent naturae; huius, quià subiectum est virtutis, quae animae compatatur, tanquam foret
calidum humidumque primaeuum, & seminaria coelestisque natura, cuius merito fit motus ad for¬
mam viresque exerendas.
Apertè loquuntur, qui dicunt in arte requiri duplex fermentum; Masculum vnum, quod est
solare, vocaturque aurum, quo materia ambigua indefinitaque ad certam formam alligatur, & dispo¬
nitur ita, vt aliter agere non possit per se, nisi ad aurum in subiecto determinato: alterum foemineum,
quod est lunare, contenditque ad album, & argentum nuncupatur. Quicquid seminabis, illud metes,
& fiet ex corpore & fermento solis natura solifica; ex corpore & fermento lunae, lunifica medicina, si
nihil erraueris. Nam metallorum conditio est, vt facile eorum materia possit in aliud abirè, & cum
aurum institutum fuerit, ad argentum declinare & delabi.
Procuratio formaque huius fermentationis non est vna. Quidam eliquato metallo immiscent
fermentum: quidam resoluunt vtrumque vno tertio, & postea resoluta iungunt; aliquibus placet
vnum tantum resoluere in liquorem penetrantem. Quocunque agas modo, opera danda est, vt &
fermentum & res fermentanda sit rectè praeparata, depurataque. Purum ab impuro non facile reci¬
pitur, vt mercurius à ferro sordido. Deinde necesse est, vt alterum sit penetrabile per totum, & sic
ενοριεον, vt agens se vndiquaque insinuet & minimis partibus tangat amplectaturque corpus per mi¬
nima, quod fieri non potest, nisi in analogis & familiaribus. Insuper vt constans sit matrimonium (vo¬
cant hanc coniunctionem fermentatoriam etiam coniugium, quanquam non semper vno sensu)
Arnoldus: matrimonium nihil est aliud, quam coniunctio fermenti cùm corpore, super quo proiice¬
re cupis: vbi signat tincturae aurificae vel argentificae cum suo corpore coniunctionem etc.) & in¬
dissolubilis nexus necesse est in ipsa fermentatione alterum alteri aequari fixitate, volatilitate nobilitate
substantiae & caeteris ita, vt fermentum veluti animet materiam; materia vicissim corpore suo animam,
inde sumat, astringatque praecisis ei alis ne amplius queat effugere, quod est vna secum figere, acci¬
pereque virtutes inde, & suas vicissim illi communicare, vt fiat plane totum ομοιομερες και ομογενες, quod
sub vna forma acquiescat, sed cum potestate multiplicandi suum genus.
Agens caussa hic est ignis duplex; internus & externus, quandoquidem in frigore nulla potest
fieri fermentatio, vtpote cum quo est geiis, potius, quam actus caloris. Sed in principio externus
non desideratur. Nam haec fermentatio gradus quosdam suos habet, & distinguitur solutione &
coagulatione, omninoque ita regitur, vt in initio Elixyr, in cuius operatione primum dominatur fri¬
gus humidum, interno tamen calore vim suam exerente: sed postea in coagulatione adiuuandus
ille est, vt & in manifesto superior sit calor. Sic incidit cum hac fermentatione digestio & gradatio
quaedam.
Vas Athannor est, & globus Philosophorum ad circulationem mysticam (quae item coincidit
simul peragendam. Differt tamen vas continens materiam dum fermentatur, & vas, in quo fit con¬
iunctio. Illud clausum necesse est esse, quousque omnia in vnum sint redacta. Aliqui tamen finunt
interdum respirare; Et si sequendùm foret vulgaris fermentationis exemplum; non ita concludendi
forent spiritus, quin separari posset, quicquid flatu nimio distendit diuellitque corpora, nec ita est affe¬
ctum, vt coire in vnionem queat & constanter manere. Verum hic alia est ratio. Nam postulant
Philosophi hanc proportionem inter fermentum & fermentandum, vt aequalia sint omnia; & summa
volatilis inter vniendum non superet summam fixi, nisi quadamtenus, nempe cum adhuc in motu
res est; sed ita debet esse comparata natura volatilis, vt absque omni expiratione & secessu tota figatur.
Quorsum ergo opus sit rimis, & ad euadendum poris? Interdum tamen aliquid industriae artificum
est relinquendum. Nam si ignem bene rexeris, non facile aufuglet spiritus amore sui corporis de¬
tentus.
Finis huius operis est per se quidem corpus fermentatum: sed non vltimus, quem spectat arti¬
fex. Etenim fermentatio ab eo instituitur caussa altioris cuiusdam essentiae, vt sic non contentus sit
fermentasse, sed per fermentum efficacem & plusquam in natura factum est perfectam medicinam
solificam vel lunificam consequi; qua in natura minerali quidem vtatur ad formam metalli optimi:
sed in humana ad constitutionem solarem lunaremue contra planetas corruptores, seu morbos affe¬
ctionesque alienas. Abuti vero fermentatione ad miscendum, digerendum, circulandum, soluen¬
dum & huiusmodi, quorum quaedam etiam coincidere solent, prudentiae artificis debetur, qui per
vnum saepe ad multa contendit; saepe pluribus viis idem petit & consequitur.
Caeterum fermentationi huic, qua dicitur corpus animari, (vnde mercurius animatus) & ad
coelestem formam perduci, respondet illa Lulliana astrorum terrenorum ad coelum Philosophicum
affixio. Sicut enim in magisterio mercurius Philosophorum communem habet, & ad omnia metalla
ancipitem naturam: ita quinta essentia Lullii ad omne vegetabile vel animale vel minerale: Et sicut
mercurius fit solaris, si iungitur soli; seu auro: ita & quinta essentia vini euadit aromatica cum aro¬
matibus: vt sic fermentum sit essentia ex mistis extracta; sed res fermentanda vini esse quintum. Huc
possunt referri ista Riplaei, "Si velis tua corpora exaltare, illa sublima primo spiritu vitae, donec terra sit bene sub¬
tiliata per naturalem rectificationem omnium elementorum. Tunc pretiosiora erunt auro propter quintam essen¬
tiam, quam retinent." Sed haec etiam symbolicum habent sensum, potestque haec res referri ad extra¬
ctiones.
lam