413
377
De Exaltationibus.
Iam si tyro velit periculum facere, quam profecerit ista de fermentatione doctrina, is exerceat
captum suum verbis Philosophorum; experiaturque veritatem opere. Fermentationes, inquit Riplae¬
us, per quas medicina nostra perpetuatur, fiunt diuersis modis. Agnoscit ille fermentationem non tantum
ad medicinam, vt sit, sed & vt suppetat continue, possitque augeri & multiplicari. Idea enim mo¬
dus est, quo fit ex Elixyre, & quo augmentatur. Resoluitur medicina per liquorem mercurialem,
& additur ei fermentum; siniturque motu interiore pullulascere & ad perfectionem peruenire. Ita
qui augere volunt massas panùm, dilutum fermentant denuo; Et notandum quod vtrobique etiam
totum fermentum fieri possit, cum sit actio & passio mutua ex conformitate naturarum, sed diuersi¬
modè dispositarum. Ex fermentatione postea, qua medicina augetur, ratio prioris, qua exaltatur
Elixyr, intelligi potest. Indicat autem idem autor, quosdam soluere solem & lunam (quae dicuntur
fermenta) in aquam claram, & cum eorum medicina (quae est facta ex Elixyre & auro vel argento per
fermentationem primam) coagulare: qualem fermentationem ipse sibi non proponat. Insinuat
nimirum aliquam speciem fermentationis esse, quando fermentum in aquam limpidam deducitur,
(quale quid fit in deliquio calcium, vt sic auri calx vel argenti in liquorem diffluat; vel quando haec
soluuntur aquis suis) & postea medicina in hac soluitur, vel prius & ipsa soluta commiscetur instil¬
lando, vel alia arte coniungendo; totum vero coagulatur, vt in formam corporis redigatur: putat¬
que Geberus, ita misceri intimè naturas posse, quia humores maximè sint penetrabiles; & sibi mutuo¬
cohaereant per minima, non aliter ac si aqua aquae simili confunderetur. Sed hanc fermentationem
repudiat ille in arte lapidis. Alibi vero locum habere posse, non est dubium, nempe in commistione
essentiarum ad Elixyr compositum, veluti cum oleum macis ex concretione resolutum miscetur
oleò chariophyllorum, & ad vnam naturam deducitur; quod item fieri potest per solutionem vnius
in alio, vel imbibitionem etc. Verius autem haec foret commistio, vel imbibitio (pro vt formam
habet) cum digestione ad vnionem substantiae, quam fermentatio, in qua fermentum est maioris
actiuitatis & in suam naturam mutat rem fermentandam: Sed quam ille tandem fermentationem
probat in mysterio?
"Hoc totum est" (inquit) "de nostra intentione, vt prius atteras; quam fermentes. Fige tuam aquam & terram
simul statim, & cum medicina tua fluit vt cera, tunc vide, vt supra amalgama eam proijcias; Et cum omne illud
simul est mixtum, supra tuum vitrum bene clausum fac ignem, donec totum sit fixum. Tunc fac proiectionem,
sicut placet tibi: quia ea est medicina omnino perfecta. Ita facies fermentum tuum tam rubrum, quàm album."
Ita ille praecipit. Tyro primum consideret finem operis & intentum. Vult magister, vt euadat me¬
dicina perfecta, quae proiecta super mercurium vel metallum, possit transmutare. Quocirca antè
nihil erat aliud, quam materiale Elixyr, nondum habens istam definitam potentiam; sed ex fermen¬
to desiderans. Iubet ergo hanc materiam prius atterere, quod est subtilem reddere; & talem, vt
possit in igni liquari vel fluere ad instar cerae, quod est signum Elixyris constantis, si id simul fit sine
fumo. Inseruit huic conctio. Materia est mercurius masculus & foemineus. Cùm ergo iam praepa¬
ratum est Elixyr, signumque illud inesse deprehensum est; fermentum ei addendum est hoc modo,
Si ad rubrum aspiramus, Aurum, sin ad album, Argentum miscemus cum hydrargyro Philosophico,
vt fiat, quod amalgama vocant. Huic calenti in suo catino adiicitur calefactum & eliquatum Elixyr;
vaseque clauso ignis admouetur de more artis, hoc est, vt alii exponunt: Tota illa mistura in vitrum,
artis coniecta occludenda & obsignanda est hermeticè, postea soluenda, coagulandaque eo ingenio,
vt initio dominetur frigiditas cum humiditate; postea calor & siccitas, quae adiuuantur calore ex¬
terno. Hoc fit continuo opere in eodem vase absque vlla manus attritionem, sed naturali actione &
passione, donec tandem medicina seu tinctura in sua forma subsistat, & possit ad tingendum vti¬
liter adhiberi. Nota tamen, quod alii hanc fermentationem aliter describant. Nam metallum
eliquant, & tritum Elixyr in eliquatum immiscent, vt fiat pasta ex fermento & massa. Hactenus
est prima aggressio fermentationis, quae constat commistione. Postea addunt lac virgineum,
seu mercurialem aquam, instituuntque fermentationis arcanae progressum solutione & coagula¬
tione vel fixione, (vocant & elementorum separationem, circulationem; gradationem etc.) con¬
stantem.
Quaeri hic potest, an non fermentatio tantùm sit illa mistura; non autem conuersio, quae
misturam sequitur? Sed responderi, potest interdum quidem illud opus tantum designari; sed non
posse abesse motum subsequentem. Neque enim fermentatio est fermenti mistio qualiscunque, sed
per fermentùm ad specialem naturam & vim exaltatio.
Ad hunc modùm excutere potes & Arnoldina ista: "sine fermento nec solem, nec lunam potes effi¬
cere. Ergo addendum aliquid est, quod maneat in essentia & qualitate naturae, vt si addas corpus id, cum quo pri¬
mum est praeparatus mercurius, hoc est, solem vel lunam, etc. Item si vis fermentare, misce corpus cum sulphure,
vt vmnia fiant fermentum: Et fermentum reducit sulphur nostrùm in suam naturam, colorem, saporem, quali¬
tatesque omnes. Fermentum ad rubeum esto rubeum, ad album, album; solis ad solem; lunae ad lunam, nec sunt
plura fermenta, nec potest figi, nisi per fixum." His verbis explicat fermentationem Philosophicam in
opere lapidis, qua Elixyr generalis mercurialisque naturae, ad certi metalli virtutem procreatiuam
alligatur & simul figitur per corpus fixùm. Sed alia ratio est, cùm scribit: "Pondus fermenti debet su¬
perare pondus sulphuris. Sulphur non potest ingredi sinè medio aquae, quae inter sulphura & fermenta intercedit
in quauis dispositione. Itaque sumenda est primum terra, quae vicina est fermento, deinde aqua, quae appropinquat
terrae, tertio aer, qui accedit ad aquam, quarto ignis ad rubeum Elixyr etc." hoc est, plus debet esse auri & ar¬
genti ad lapidem proiiciendum, quam tincturae. Vocat enim aurum & argentum nomine fermenti, quia
Kkk 2