413
378
Comment. Alchem. Part. I. Lib. VI.
quia in alligatione priore hoc vocabulum acceperat. Negant ingredi tincturam, nisi prius millo
partibus sui corporis coniuncta sit medicina, atque ita ex volatili figatur amplius. Quanto vero ita
coniuncta sunt fermentum, & Elixyr; vult ordine progrediendum esse, vt signa elementorum appa¬
reant, & fiat ex terra aqua, ex aqua aer, ex aere ignis, per quae tanquam per separationem Elemen¬
torum & exaltationem proficit lapis & acquirit naturam igneam. Et tantum quidem de fermen¬
tatione.
CAP. X.
De proiectione, & ingressu.
Proiectio artificialiter est species exaltationis, ex modo, gestuque manuali nomen sortita. Non
est artis proiicere tela manu & alia similiter facere. Sed quia in arte motus talis instrumentarius
ad perfectionem exaltationemque principali iure facit, proiectio dicta est, quam Graecus ἐπίῤῥιψις
vel επιπασμον appellaret ab ἐπιπάσσειν, (dicitur & συνεμπάσσειν) quo vtitur in similibus artificiis Dio¬
scorides. Aristoteli foret quaedam σύνθεσις, ἢ μίξις, qualis est ψελλιζόντων, & formaliter tingen¬
tium.
Requiritur in proiectione primum id, quod proiicitur; deinde aliud, super quod & in quod.
Vtrumque dispositum propinque, & in se mutuo procliue esse oportet. Quocirca omni verae pro¬
gressioni, quae est principalis & exaltatoria, comes est ingressio, seu proiecti in alterum insinuatio &
comprehensio talis, vt se penetrent mutuo, nec post comprehensionem fixionemque queant denuo
separari. Manet ergo proiectum cum subiecto, eique quasi anima & forma est, aut formam in eo pro¬
creat per motum suae naturae ad similitudinem, vel id, quod deinceps est, quem motum ars adiuuit
solutionibus & coagulationibus adhibito qua oportet calore competente. Si res, in quam proiici¬
tut, non est pura καὶ ἐνδιαίρετος, non fit susceptio, & cohaesio legitima & constans. Quidam ta¬
men volunt, si proiectile sit igneae naturae, qua omne alienum extergeat & consumat, nihil re¬
ferre.
Ingressio aliquando per se fit, aliquando cum medicamine, quod irrepere vel cogat, vel inuitet,
cuiusmodi sunt pinguia, quibus & aurifabri nonnunquam vtuntur, vt sebum, cera ec. Vulgo ole¬
um ingressiuum faciunt ex lithargyro albo ex aceto in ferreo lebete cocto, donec erubescat, quo fa¬
cto proiiciunt id in oleum, sinuntque triduo macerari; postea destillant, & res ingressuras hoc potant,
seu vt loquuntur artifices, imbibunt, & nutriunt. Idem praestant & sales, quosque fluxus vocant, ex
quibus potissimum ingeessiuus dicitur esse hic, qui capit "Salis Gemmae, ammonii, alcali singulas vncias,
balenitri sextantem; salis communis quadrantem; salis tartari hessem. Cum vti voles, coque in aceto, & hoc
irriga perluitoque medicinas proiectiles." Sal ammonius ingressum praebet spiritibus in corpora, prae¬
sertim factitius, quia deterget foeditates impuritatesque & nigritiem sulphuris tollit, purificatque
corpora.
Procuratio proiectionis fit, postquam res sunt praeparatae, modo per instrumentum, velut
cochlear, catinum etc. modo manibus ita, vt inspergatur medicina subigaturque ligno; vel cuculis
inclusa, aut cera demergatur; idque aut sola, aut cum medicamine. Fit item interdum in fluxu, hoc
est, eliquata materia, in quam est proiiciendum; interdùm saltem ignita; nonnunquam immistio¬
ne &c. Tunc calor adhibetur magis ex superiore parte, quam inferiore, quanquam non in o¬
mnibus par sit huius obseruationis necessitas; sed tamen valet potius in principali seu arcana la¬
pidis.
Fines sunt proiectionum variarum diuersi. In exaltatoria ad perfectionem, in qua proiectum
manet cum eo, in quod prolicitur, est nobilitatio in substantia vel qualitatibus: Et interdum prin¬
cipalis est, aliquando sociatur alteri elaborationi. Principaliter fit, cum in lapide medicina proii¬
citur super suum corpus, vt melior inde consurgat tinctura; deinde cum super metalla ignobilia vel
hydrargyrum ad vertendum ea in nobile & perfectum. Alias sociatur etiam fermentationi & mul¬
tiplicationi.
Aliae proiectiones alios habent fines, veluti cùm super aurum fusum, vt fiat tenerius proiici¬
unt nonnihil hydrargyri sublimati, vel plumbi &c. Excoctores quoque metallorum, & probatores;
cùm ad regulam coquunt vel spectant metalla, proiectiones quasdam suarum medicinarum habent
quibus detersio & puritas aliaque argumenta praestantioris conciliantur. Hinc non raro est separato¬
ria proiectio, vt cum aurum à caeteris metallis segregamus in fluxu, infusa vel iniecta medicina separa¬
toria: Item cum calces metallorum & similium ex aquis soluentibus ec.
CAP. XI.
De transplantatione & tinctura.
QVam transmutationem ("μεταβολν καὶ μεταμὸρφωσιν, μετάπλασιν, μετάβασιν, μετάλλαξιν" etc.) appel¬
glant vulgo, Chymici eruditiores transplantationem, quod vt opinamur, in vegetabili natura
res haec valde sit illustris, indeque transferatur etiam ad mineralem; quae aliquod rudimentum vege¬
tabilis principii alicubi solet exerere, & motu quodam interno prodere. Pertinet autem ad genera¬
tionem simplicem Aristotelis potissimum, estque valde inuisa his, qui negant species rerum trans¬
mutari