413
379
De Exaltationibus.
mutari posse, quasi bellum illaturi toti Elementorum naturae, quae sublunari ambitu continetur. Ali¬
qui coquorum arte persuasi, negant metallicam transmutationem. Sed cum rursus damnentur per
figulinam, & metallurgiam ferri in chalybem & cuprum transmigrantis: tandem in auro & argento
haerent, quae non putant ex hydrargyro, & imperfectis fieri posse, tametsi, cum & hic autores se fide
dignos offerant Imperatores, Comites, Respublicae, Iuris consulti, Medici, Physici, Philologi, debe¬
bant tot testium cumulo permoti veritati cedere, erroremque illum abiicere. Quidam fatentur; fieri
aliquid posse: sed cum non videant ex voto suarum cupiditatum, fictaeque persuasionis rem succedere;
nihilominus in transmutationum; studia pergunt iniqui esse. Verum de his alibi actum à nobis est.
Transplantatio, quam hic designamus, non est quaelibet ex substantia in substantiam mutatio: sed
exaltatoria, quaeque generatio κατ’ εξοχην primum solet appellari, quae cum in natura creberrime eue¬
niat, etiam cùm in reciproco motu, tamen in arte intelligitur ex proaeresi ab artifice intendi, & sic
gubernari, vt motus fiat ad formam ab arte quaesitam ex altero, quod potentia hoc erat quidem, sed
actu ignobilius, & vicinius materiae priuationique. Non autem semper spectat artifex, quid naturae
aestimatione erat praestabilius, sed maximè quid suae arti, cùm qua incidere potest, & vna respici etiam
natura; veluti in natura melius erat, ex non viuente procreare viuens: melius enim viuere, quam non
viuere, quod id sit actus excellentioris, quique magis facit προς το ειναι. At arti interdum non viuere
est satius, veluti cum ex planta quaerit essentiam medicam, vbi destruenda plantae vita foret, quod
Physico non generatio est, sed corruptio. Aliquando vtrumque concurrit, & intendit etiam artifex
viuens ex non viuente, sed alterius gratia, veluti in granis sanguisorbae Sarmaticae ad eliciendam tin¬
cturam per vermiculos procreatos. Ita est quaedam vltima, quaedam alicuius vltimi administra, &
subalterna: Quaedam naturae propinquior, quaedam arti, quanquam sine dispositione naturali haec
ars parùm valeat.
Fit in multis rebus; sed excellit maximè in proiectionibus cum ingressu medicinarum, veluti
in artificio transmutationis metallorum ex imperfectione in perfectionem,
Quomodo adaptata medicina & res transmutanda praeparata debeat esse, expiicatum est in pro¬
iectione & fermentatione. Immutandum subiectum est vel ad formam agentis, vel aliam, quae sic a¬
gente potest induci. Aut ergo medicina habebit seminariam facultatem: aut actiuam ad aliud qui¬
dem, sed determinatùm tamen prò artificis instituto, quomodo ignibus non semper ignes facimus,
sed & panes & fictilia etc. vtraque ex naturae procliuitate est, & ab artifice ad agendum taliter in tali
patiente idonea redditur: verùm prior ex conformi educitur; posterior etiam ex altiter disposito.
Illam referunt ad mutationem solificam & lunificam. Haec valet etiam in aliis, veluti in ablutionibus,
macerationibus & recoctionibus. Sunt autem certa menstrua; seu aquae ablutoriae, quas & grada¬
torias vocant, quibus id peragitur. Aliquando fit transmutatio restinctione; nonnunquam caemen¬
tatione, & reuerberatione, vt cum ex martè fit essentia martis & crocus. Est & cùm aliae gradatio¬
nes adhibentur; & interdum putrefactiones aut solutiones aliae. Nam modo multa concurrunt
ad vnum opus, modo paucioribus res perficitur, vt exempla transmutationum declarabunt. Est alia
transmutatio per compositionem, qua fit ex similaribus simplicibusque separatis, vel similare aliud,
vel dissimilare, adiuuante artem natura, & vicissim. Sed de hac abunde actum in compositio¬
nibus.
Quia vero Aristoteli placuit etiam generatio κατά τι, quae est alterationis, & interdum tam propè
accendit ad substantialem, vt non bene discerni queat, fiatque quasi formae cùm materia coniunctio,
vt in eo, quem chromatismum aeris per plumbum candidum vocat: ideo subiungere transmutationi
physicam tincturam possumus. Haec aliquando idem est, quod transmutatio ignobilis & imperfecti
me talli in perfectum per medicinae plusquam perfectae proiectionem. Sed ita non accipimus iam
vocabulum, vti neque est, de qua supra egimus INFECTVRA. Verùm signat formalem quandam
per totum alterationem, quae calore, fixione & caeteris dotibus quàm proximè referat illam priorem
essentialem. Exemplo sit aes illud Persicum seu Babylonium, cuius Aristoteles meminit in mirabi¬
libus, & liber Esrae in diuina scriptura. Hoc omne auri priuilegium obtinuisse scribitur praeter odo¬
rem postquam excanduit. Si non fuit aurum artificiale iuxta transmutationis negotium: tinctura
hac nostra fuit conciliatum. Quòd autem quaedam tincturae sint formaliores, ita vt distribuantur pe¬
nitus, & constanter adhaereant propter fixitatem: magisteria illa Chymica docent, de quibus suo loco.
Fit autem itidem prolectione; caementatione, extinctione & aliis modis gradatoriis per aquas, pulue¬
res, coloritia etc. de quibus in gradatione Alchymiae. Quanquam autem vsurpemus tincturae no¬
men, tamen non solum χρωματισμον intelligimus; sed caeteros modos fulgore, praecellentiores compre¬
hendimus. Ita in practicis erunt exempla magisteriorum ad pondus, ad fixionem & similia. Quam¬
obrem etiam FIXATIO quodammodo hic locùm habet.
Aliud esse arcanum tincturae, quod in speciebus Chymicis etiam simpliciter tincturam vocamus,
patebit suo loco. Quoniam adeo vicinae sunt proiectio, transmutatio & tinctura, vt non raro in vno
opere concurrant; exemplo declarari vno possunt, donec plura in praxi proponantur. Ita scribit
quidam de modo PROIECTIONIS transmutatoriae; "Capè vas, in quò meicurius debet congelare" (ita
vocat fixationem eius per tincturam cum transmutatione in metallum) "& aliqua pinguedine bene intus
vnge, nè vis ignis & siccitas absorbeant medicinam" (saebo ad eam rem, quidam & sapone crebro vtuntur
"cum vnctum est" (intellige vas istud, quod plaerumque est catinus fictilis triangularis) "impone mercurium,
& subiice ignem satis lentum. Debet & medicina inuoluta esse cera" (ingressus caussa, & ne excutiatur motu,
resiliatque. Ad aurum rubram accipere consueuerunt) "& cùm incipit fumare tuùs mercurius: apponere debes"
Kkk 3