413
image 182
Operculum.
Lateres quibus
tegitur furnus.
Olla caemen¬
tatoria.
Agricolae
congru¬
ens cum
Vitrarijs
385
De Exaltationibus.
Commodior est furnus caementatorius Erkeri, si respicimus
institutum docimasticum & segregatorium auri commistorumque
metallorum. Eum describit pingitque ipse, cuius verba ex teutoni¬
co in latinum translata sic habent: "Cum magna quantitas caementanda
est" (vel cum crebro caementandum est, ita vt magister saepe ad eun¬
dem laborem redire cogatur) "nulla commodior via est, quam vt caminus
iuxta sequentem diagraphen construatur. Quanquam enim & alii furni pos¬
sint parari: hic tamen mea opinione est vtilissimus. Fouet enim ignem horas
viginti quatuor ea constantia & continuitate, vt non multum in eius cura sit
laborandum. Fit autem in hunc modum. Ex laterculo cocto extrue quadra¬
tum, quod interna amplitudine habeat cubitum, tantundemque altitudine.
Deinde reducatur modice ad angustias obliquatis lateribus in altitudinem di¬
midiati cubiti. Hinc educatur in altum turricula acediae vsque ad sesquivlnam
vel duas, cuius interna amplitudo sit sesquicubitalis, & longitudo totius cami¬
ni tres vel quatuor vlnae. In anteriore parte duo efformentur orificia, inferiùs
longum trientem, altum sextantem, vt aura possit penetrare: Superius amplum
quatuor vncias & dimidiam & eiusdem altitudinis. Iuxta hoc disposita esto craticula ferrea, quae contineat laminam
fictilem intra fornacem. Super lamina locetur tegula (quali vtuntur probatores in sua fornacula) quae exaequet ori¬
ficii altitudinem, sub quàm caementum inferri, & in tuto esse possit: vel etiam sine tegula olla caementatoria ponatur
super laminam. Qua se obliquat fornax, quilibet parietum habeat vnum spiraculum. Turriculae accommodetur suum
operculum, sub quo fere iuxta marginem aliud paruum respiraculum expressum esse oportet, ne suffocentur prunae."
Haec de sua fornace Etkerus, cuius pictura sequitur. Addit autem, si caminus aptus defuerit, posse
caementationem peragi inter lateres dispositos super foco ita, vt olla caementatoria in illos inferatur,
adiectis prunis. Sed hic opus est & attentione curaque maiore, & prunis pluribus.
A. Spacium pyriaterii & ergasterii; quae
duo distinguuntur craticula. B. Obliqua¬
tio fornacis, in cuius parietibus sunt qua¬
tuor fumaria; Et est haec ergasterii supe¬
rior veluti concameratio seu testudo ad
reuerberandum comparata. C. Turricu¬
la acediae. D. Eius operculum. E. spiracula
seu fumaria. F. Conus, quo obturantur:
G Prunarum respiraculum in turricula,
amplitudine digiti auricularis. H. Ostio¬
lum superius, cùm ansatis valuis. K. Tra¬
bes, quibus innititur tabula fictilis & cra¬
ticula. Eae hic prominent foras, vt item
imponi tabella possit, vel reclinari super
eas valuulae. L. ostiolum inferius cum
valuis ansatis. M. Foramen aurae ingre¬
dientis sub ansa. N. Olla caementatoria
ventricosa. O. Olla humilior, sed latior.
P. Testa. Q. Pyxis caementatoria ferrea
cum nodis, vt constringi operculum filis
ferreis possit. R. Alia pyxis, vtraque so¬
let in caemento regali in summo habere
exiguum foramen, vt violenti spiritus sa¬
lis ammonii subterfugiant citra ruptu¬
ram pyxidis. In figendo tamen foramina
etiam obstrui possunt.
Sint iam in abaco Chymicae officinae disposita pyxis, auri bracteae pro necessitate extensae, vel
granalia, & deinde medicamen rite mistum, & siue siccum, siue madefactum aceto, vel lotio. Qui¬
dam auri bracteas ante quam componantur, candefaciunt, sinuntque per se refrigescere, vt si quid
inquinamenti in cute haeserit id consumatur, & liberiorem accessum & impressionem relinquat acu¬
mini medicaminum. Omnibus rite paratis, ollae caementatoriae inspergitur medicamen, seu puluis
aequaliter crassitie digitali. Huic imponuntur bracteae, vel grana hemisphaerica, prius aceto vel vri¬
na irrigata, eo ordine & modo, vt aequali situ se non contingant mutuo, possintque spiritus medica¬
minum etiam extremitati latitudinis adhaerere, & inde quoque commista imperfecta extrahere, quan¬
quam contactus etiam ideo displiceat, ne corpus corpori cohaerens id accendat, caloreque aucto
oras colliquet. Dispositae primo ordine bracteae obruuntur medicamine, quod Dioscoridi erat
ἐπιπάθειν, sed officinis dicitur facere stratum super stratum, & signatur tribus literis initialibus SSS.
Dimidii digiti crassitie plaerunque istud stratum seritur, vt sit subduplum ad primum in fundo. Se¬
quuntur bracteae vel grana denuo, atque ita vicissim, vsque ad ollae marginem, quam implere debet
tantum medicamen, quantum est in fundo, nempe ad crassitiem digiti transuersi.
Vltimò
image 183