413
387
De Exaltationibus.
remistos excoquit in prima fornace, plumbum argentatum fulminat in foco cinereo: fulminatum ad
regulam vrit.
Quaeritur num caementum, seu medicamen etiam aurum recipiat. Negant aliqui, quod medica¬
mina debeant esse huiusmodi, vt solum aurum non admittant, caetera vero vt aes & argentum sorbe¬
ant, quales etiam aquas soluentes promittunt, vt sint aliquae: quae naturae quadam familiaritate omne
metallum imperfectum adoriantur, aurum saltem inquinent: quaedam caeteris omnibus parcant, soli
vero auro, & hydrargyro crystallino insidientur. Esse vero aliquas huius modi affectiones & sympathias,
antipathiasque aut dyspathias in metallis, si non cognatio, stibii, ferri & sulphuris indicat, hydrargyrum sa¬
tis comprobat. Si ergo medicamen ex his constat, à quibus aliena est auri natura, & inexpugnabilis: nihil
detrimenti aut iniuriae afferri auro censendum est: sin ex aliis, quae aurum demoliuntur, secus fieri. Ne¬
que enim admittit natura opinionem eorum, qui sibi persuadent, aurum plane esse & simpliciter ex¬
tra corruptionis aleam, quandoquidem violentissimo rerum igni resistit. Ne illis opponamus Spiritus
sancti oraculum longe verissimum i. Pet. 1. aurum & argentum appellantis φθαρτα, satis exploratum, id
est, Chymicis experimentis de medicamine illo, quo ictu oculi, vt loquitur Mirandulanus aurum in sua
principia disiicitur, ex quibus nisi per transmutationem reduci non potest. "Vna sola res est", inquit quidam,
"qua aurum in terram corrumpitur, nosque vidimus hoc in opere philosophorum & ex hydrargyro mystico eam constaro
nouimus." Erkerus scribit medicamine caementi, in quo est sal ammonius, aurum aliquid detrimenti pati,
& argentum ex caemento reductum adhuc aurum continere. Notum quidem est, illum salem, praeser¬
tim natiuum, in aurum agere admodum violente, adeo vt aliqui eum etiam repudient. Sed tamen non
destruut naturam auri, nisi iunctus fuerit argento viuo per sublimationem: vnde postea fiunt aquae &
puluer es mercuriales auri naturae infestissimi. In caemento ideo abradit aliquid de auro, quia in argen¬
tum, ceui aurum mistum est per minima, agit, & sic quicquid resistit imbecilliter, corrodit. Eo modo
Mercuarius per se antimonium non recipit, nec in id impressionem facit. Sin autem illiquatum argen¬
to fuerit, tunc obiter etiam illud invadit, & post actionem expuit terrenas partes, seruatis mercuriali¬
bus. Vnde ille hydrargyrus ex tali malagmate extractus longe est aquosior crudiorque & fugacior, quam
mineralis. Stibium saepius cum auro fusum afferre ei detrimentum, publica constat experientia, eique
testimonium perhibet Erkerus in docimastico scribens nisi singulari arte caueatur, plus decedere, quam
per caementum.
Finis caementi est varius, officinae monetariae & similes separationem commisti argenti, cupri, o¬
richalci, plumbi, stanni, etc. Spectant, idque non semper exactissime, sed ad legem pedis praescripti au¬
toritate principali. Dum hoc fit, etiam exaltatur aurum gradu puritatis, & coloris. Vnde quidam hoc
consilio ex auro Rhenano faciunt Vngaricum. Chymici eodem etiam explorant & iudicant metallum,
& artificiale aurum, & ad exemplum natiui elaborant in imperfectis. Ergo praestitutus his finis est etiam
transmutationis, & tincturae. Interim quia multae sunt praerogatiuae notaeque perfectionis, modo in o¬
mnes intendunt curam, modo in aliquas, vt sic tres ordines Gebri in perficiendis metallis caementan¬
do institui possint. Quocirca volaticum aurum seu in vena ob immaturitatem, seu alias cum per se in¬
venitur, figere caemento peculiari tentant. Aliqui volunt adhaerere tali auro aliquid argenti vel mercu¬
rii: sed cum vtrumque horum iter ad aurum sit, modo non sit vulgi Mercurius recte immaturitas vo¬
catur, vt sic cęmentum inseruiat etiam maturationi, & excoctioni. Abutimur caemento postea ad re¬
uerberandum, calcinandum, colorandum, colliquandum & similia. Ex dictis diuisio caementationis
facile potest institui. Quaedam est vulgaris segregatoria: alia exaltatoria in omni virtute: Quaedam trans¬
mutatoria etc. Est vna metallorum perfectorum, alia imperfectorum: alia gemmarum & similium. Po¬
tissima distributio est in caementum regale, & commune.
Potro in caementationis opere occurrunt aliquando etiam singularia quaedam maxime apud Chy¬
micos. Res exemplo declarari potest. Ad argentum sale Alembroth, qui fixionis dicitur, figendum tale¬
extat praeceptum inter vetusta. "Cape cineres clauellatos & parem calcem viuam. Fac capitellum, seu lixiuium for¬
te, in quo solue vitriolum analogum. Cola per filtrum, & coagula lento igni. Tunc habeas pyxidem è ferro, quam calce¬
viua imple: vel sale gemmae. In medio eius fouea vel scrobicula esto, in quam pone sal fixionis cum laminis lunae: vel in
pyxide ex argento pone salem fixionis, & super hunc calcem viuam cum sale gemmae. Claude pyxidem & da ignem per
horam, vt fluat. Reduc in catino cum lithargyro, cum repetitione operis."
Primum apparet singularis caementi confectio per solutionem & coagulationem adhibita vna
repurgatione per filtrum. Secundo materiam pyxidis inseruire nonnunquam singulari scopo ad fixan¬
dum pro rubea tinctura. Est autem aliqua vis fixatoria in ferro. Tertio forma ostenditur diuersa. Neque
enim mutua est stratificatio, sed inhumatio & sepultura in medicaminum medio, ambeuntibus hinc
inde aliis medicinis. Quarto alia forma occurrit, Si enim recte intelligimus barbarum scriptorem, fer¬
rea pyxis implenda est calce & sale gemmae: Deinde imponenda in medium eius pyxis minor ex argen¬
to, quae implenda sale fixatorio, quae res stratificationem compensat. Quinto coementatio producitur
ad fluxum: Sexto admodum est valida, quandoquidem vna hora peragitur. Huiusmodi singularia oc¬
currunt in exemplis Chymicorum multis. Quo enim quisque est ingeniosior, eo solertius & multipli¬
cius potest vnum idemque opus accommodare, aut etiam varie administrare.
CAP. XIII.
De exaltatione descensoria.
INter examina auri, eiusque praestantiae, est apud Geberum commistio sulphuris adurentis, quo re¬
Tdarguitur quicquid de natura auri non est: consumitur vero omnis impuritas, & caetera metalla, quae
vna fuerunt, segregantur, ita vt aurum reductione restituatur longe syncerius, nobilius, planeque suum,
Separatorium hoc artificium esse, & hoc consilio etiam à monetariis, aurifabris, docimastis, &c. adhiberi
Lll