413
389
De Exaltationibus.
Nam si combalticum seu saturninum imperatumque sumseris pro Iouiall electo, vix votorum fies com¬
pos. Praeparatur autem vt plurimum per tartarum pari quantitate colliquefactum & versum vnco, do¬
nec vt liquor fluat. Ita cum linquuntur, subsidet regulus stibii argenteus. Aliquando tantum misce¬
tur tartarum in vsu: Aliquando figitur, &c. Id modo per se solum venit in opus, modo cum aliis, sul¬
phure puta, vel aere, vel fluxu descensorio, aut exaltatorio. Eligitur & aurum (si in auro elaborare volu¬
mus: Est autem huic potissimum dicatus hic labor, aliis secundum analogian competit.) Id primo de¬
bet esse paucum. Nam magna quantitas hoc artificio non potest tractari simul & vna vice: Deinde
valoris à sedecim caractis ad viginti tres. Pauperius enim cum magna iactura sentit antimonium, sunt¬
que priora quaedam segregatoria artificia, quibus ex magna mole argenti separatur aurum, vel ad pau¬
ca redigitur vti fit in fusione per sulphur cum aere in granaliis.
Praeterea praesto debent esse instrumenta operis, vt fornax anemia, Catinus fusorius, Catinus de¬
scensorius, coniformis: malleus, & reliqua. Iam si solum stibium adhibetur, & aurum sit diues, eius duplum cum
auro simplo in catinum iniicitur, & in anemia, vel foco ante folles eliquatur. Cum probe fluxerint & confusa¬
fuerint, arreptus catinus fusorius in coniformem ferreum (vel ex orichalco fabrefactum) effunditur,
margineque impulsa depellitur aurum in metae apicem, vnde postquam refrixit decutitur malleo,
Meta truncata vocatur Plachmalium (ita nos oportet artificum sermonem propter euidentiam ex¬
ptimere.) Sed aurum decussum, REGVLVS appellatur, habetque tunc colorem citrinum misto ci¬
nereo. Idem repetitur communi more ter: sed Chymico septies. Vltimo quia aliquid halituum à sti¬
bio cohaesit auro, proflatur ante folles in ipsum aurum directo flatu, quem si fert recte, purum tracta¬
bileque pronunciatur, cumque concreuit, vrina restinguitur. Vocant aurum FINVM vel graduatum,
Quod si aurum pauper sit, augenda quantitas stibii est, idque miscendum quarta parte sulphuris. Plae¬
rumque tripla proportio est stibii ad aurum, & prima duntaxat vice sulphur intermiscetur, sequenti¬
bus omittitur.
Agricola monet addi tres stibii ad vnam partem auri cum aeris semuncia ad bessem si aurum va¬
cat ęre: sin particeps est, sufficere sicilicum seu duas drachmas. Erkerus vult quosdam adiicere aes coloris al¬
tioris causa, & tunc ideo stibium augeri, vt aes totum possit excoqui & consumi. Habet etiam peculia
re quid Agricola in commistione. Nam auro prius eliquato in fictili praecandefacto cum in gyrum mo¬
uetur, immittit paucum stibium, ne exiliat, cumque colliquefactum agitatur in orbem, submittit reli¬
quum, & catinum operculo sternit, & coquit, donec quis triginta quinque passus ambulando possit
conficere. Hoc peracto, in conum ferreum praecalefactum, saeboque illitum fit effusio, concussuque ad
fundum pellitur aurum, qui motus adiuuatur nonnunquam medicamine descensorio. Iubetur reco¬
qui massula seu regulus quater, sed deminuto stibio, ita vt vltimo vix sit duplum. Regulum in testa fi¬
ctili adiecto puluere fusorio (ex recrementis vitri & duplo tartaro) recoquunt & fulminant. Plachma¬
lium incoquunt plumbo, & in cineritio repurgant, separantque. Si aliquid auri restitit in Plachmalio,
recoquitur cum tertia parte stibii crudi, & eodem modo segregatur regulus. De his recte consules
Erkerum in docimastico. Semper aliquid in vulgati praxi retinet stibium. Quocirca cum prima fu¬
sio decussioque reguli est peracta, Plachmalium in catinum iniicitur & addito plumbo ferrique sco¬
be per interualla immissa tamdiu excoquitur, donec vncus versatorius è ferro non amplius à stibio ra¬
ditur. Inde fit regulus argenteus auri ferax, si in conum effusum fuerit. Ita Plachmalium secundae
descensionis in catino liquatur perque vices iniicitur limatura ferri vt ante, Regulus seruatur. Sed ni¬
hilominus stibium denuo segregandum est (muß geseigert werden/) siue ita vt in plumbum incoqua
tur, & submittatur regulus ex Plachmaliis in cineritio, fulmineturque & tandem quartetur (vti loqui
solent) separeturque aqua forti: siue vt stibio tali addantur nempe librali, sextans ferri elimati cum
tantundem plumbi, & lithargyri, semunciaque aeris: quae colliquata effunduntur in conum pro regu¬
lo, qui fulminatur in cineritio & aquae forti traditur, quae omnia ab Erkero requirere potest tametsi
vernaculo Germaniae scriptore.
Verum cum hoc opus frequentius instituatur separationis, quam exaltationis causa, caetera dif¬
ferimus, ad praxin segregatoriam. Coincidit autem etiam affinatio quaedam, vti vocant, quae est ad fi¬
nem absolutumque bonitatis terminum excoctio. Deinde eodem opere etiam fixatio contingit, &
exploratio & transmutatio vti iam dictum est. Quocirca Chymicus per sulphur, vel antimonium va¬
ria procurare potest: Quin & eadem operatio antimonium ipsum exaltat, facitque ex eo quoddam
genus plumbi, quem regulum vocant, adiecto ferro. Ita maturatur, qui est in eo, hydrargyrus & fixio¬
nem acquirit, potestque deinceps stibium transmigrare in hydrargyrum ea arte, qua mutatur plum¬
bum in Mercurium, quanquam Suchthenius voluerit id non euenire, nisi ope Mercurii seu argenti vi¬
vi, vti ex mineris legitur. Idem artificium potest accommodari ad electrum & augmenta auri adiectis
medicaminibus singularibus. Potest & congruere auro philosophorum, hoc est, vsifuri, & quam vo¬
cant cinabarim factitiam, postquam experta fuerit suum caemmentum. Est & reductorium, sed non
cum antimonio, verum cum aliis medicinis. Interdum non per se exaltatio vltima est, sed via quaedam
& gradus ad vltimam, potissimum si spectamus essentiales medicinas, quarum subiectum tum aliis
tum hoc quoque modo praeparamus. Sed in metallicis cognatisque mineralibus potissimum valet.
Vtrum autem regulus hic fiat ponderis merito, an medicinae praecipitantis, non difficile est perspice¬
re. In mineralibus sane metallicis pondus & firmitas substantiae habet aliquod perfectionis argumen¬
tum & iudicium.
Ignis separat heterogenea, homogenea congregar & attenuat. Itaqua adiuuat penetrationem
totius per tota. Inde stibium assumit familiaria, & consumit imbecillia. Elabuntur firma pondere¬
quę suo secedunt. Sed sunt quidam pulueres defensorii, quibus tum aurum imbecillius, tum argen¬
cum etiam per stibium exigi queunt, qualis est, qui habet ferri scoriam, vel limaturam. Alii citius diui¬
iunt & separant, de quibus suo loco in praxi,
Lll 2
CAP.