413
Vade Salmu¬
thi notas in
Pancirol.
parte 2. tit. 5
de sacchare
fine.
394
Comment. Alchem. Part. I. Lib. VI.
Fulminationem à plumbo plaerumque excipit affinatio super testa vel patella fictili, propterea
quod etsi ad summum gradum perductum sit (si nimirum huc aspiramus. Nam ante dictum est, posse
nos etiam citra subsistere, & diminuto auctove plumbo ignique agere, quousque consultum est) tamen
adhuc alluuio & nubecula ex halitibus plumbi sit coniunctus. Iubent ergo magistri proflare illos hali¬
tus super patella humili ante folles, de qua re in sequentibus.
CAP. XV.
De Affinatione speciali.
Vox Affinationis barbara quidem est, & à Pantheo in re metallica vsurpatur pro absolutione fina¬
li, quemadmodum etiam officinis illa placuit, quibus solenne est, finire argentum, affinare saccha¬
rum, & alia: sed ita comparata ars chymica est, vt non barbaries terminorum, sed consuetudo artifi¬
cum, ipsaque rerum substantia, & operum ratio potius sint respicienda. Non est barbarum arti chymi¬
cae, quod experientia & consensu artificum comprobatum, & plus lucis affert doctrinae, quàm si ele¬
gantias Tullianas nobis commendares, nihilque nisi auribus Caesarianis & foro eloquentiae Romanae
gratum sonares. Intricauit ita metallurgiam potius, quàm explicauit Agricola. Plinius non reformida¬
uit Latio donare etiam metallurgorum & officinarum vocabula illa mucida & fuliginosa, Seythanum,
Turbistum, Segullum, Alutationem, Canalitium, Apilascudem, Arrugias, etc. Verum enimuero permittimus
delicatulis, vt, cum incident in sermonem de re metallica, cum Cicerone, Caio Caesare, vel Augusto,
vsurpent nomen absolutionis. Est enim affinatio nihil aliud, quàm absoluti finis opera: seu ad vltimum
finem bonitatis tam intrinsecae, quàm externae exaltatio. Haec generico significatu ad multa artificia
se extendit. Quodcunque enim opus, siue per se, siue per accidens id assequatur, dici isto potest voca¬
bulo. Sed nos eam consideramus nunc in specie inter exaltatoria: & quia licet à populo sumere vo¬
cabula congrua, respeximus potissimum ad illos metallurgorum, docimastarum, monetalium, etc. labo¬
res, quibus praeter fulmen, caementum, & huiusmodi dicuntur aurum, argentum, aes, &c. affinare, & ad
regulam coquere. Hoc iam nobis est principale. Affinia facimus caetera, quibus aliquid affinari dici¬
tur, quaecunque aliis non comprehenduntur.
Pridem indicauimus difficultatem methodi, quodque cogamur operationes aliquas ad modos
potius distinctos reuocare, quàm speciebus essentialibus discludere. Veniam itaque debebunt nobis
rigiduli Grammatici cum Logicis illis, qui Critici potius sunt, quàm operum laudatorum effectores,
quorum saliuae quicquid non accedit, id respuitur.
Est & vsitatum RECTIFICATIONIS nota; sed generalior, quàm pro affinatione, prout laxum
vsum sibi permittunt condonantquea tifices. Aliàs proprie rectificatur id, quod inter elaborandum
ab opere vel auxiliis aliquid inquinamenti accepit, vel nondum penitus est segregatum, vel cui postea
aliquid superuenit alieni. Id ad rectum deducimus, seu ad regulam elaboramus id, quod cum affinatio¬
ne in aliquibus exemplis potest concurrere.
Vt pressius intelligas, quid sit affinare in specie, considera excoctionem metalli ad regulam, &
vstionem; item sacchari affinationem, qua acquirit candorem eximium, & teneritatem puritatemque
excellentem. Ita affinantur sales, nitrum, chrysocolla, borax, atramentum, hydrargyrus, etc.
Talis affinatio aut absoluta est, aut relata. Nam & finis aliàs vltimus est, aliàs προς τι, suntque fines
multi intermedii, seu subordinati, & deinceps sequentes, in quibus, quia motus artis ex proaeresi & ar¬
bitrio artificis nonnihil dependet, potestque sisti, cum videtur, & bona sibi succedunt, non omnia sunt
vltima, euenire quies potest, tametsi pateret progressus ad vlteriora. Exempli loco est argentum, quod
cum per fulmen nondum est absolutum, vti fit in opere maioris cineritii, traditur vstori, qui id dicitur
ad finem vrere, hoc est, ad regulam puritatis perducere sub camino per crematuram. Atqui is finis non
est vltimus, sed deficit drachma, ita vt bes talis argenti contineat semuncias quindecim cum tridrach¬
mo, cuius absoluta puritas erat sedecim lotonum, vel duodecim denariorum. Ita imparitas finitionis
est in saccharo quoque, & succis mineralibus. Deinde hoc opere vel interna fit exaltatio, vel externa¬
Illa simul accidit digestio & maturatio, qua amittitur cruditas: item segregatio ab alienis commistio¬
nibus, vt substantia plane exeat homogenea: Hac sordes & inquinamenta foris adhaerentia tolluntur,
vt in his, quae in se sunt absoluta, sed superficietenus nondum detersa repurgataque.
Priore modo argentum viuum affinatur exaltaturque, quo sensu Geberus scripsit, intentionem
complementi, seu institutum & consilium absolutionis vltimae esse, vt LAPIS, seu mercurius Philo¬
sophorum per sublimationis modum, perfectissime mundetur, vt quod volaticum est, figatur, etc. vel
vt superflua humiditas tollatur, & sulphur impuritasque terrena separetur: quem finem postquam est
consecutus hydrargyrus, iam in aurum argentumque agit, & ea in mercurium conuertit, potestque
coagulare.
Aurum finum est pustulatum, vel obryzum; quidam etiam lotig Golòt vocant, quasi ad comple¬
mentum regulae excoctum, aut factum, vt pondus lothonum suorum habeat integrum. Aliàs id est pu¬
rum putumque, vt & argentum. Vide Budelium libr. I. de monetis, cap. 24. vbi & meracissimum.
Aurum & argentum tum intus tum foris affinantur per caminum, vbi duplex modus proponi¬
tur, prior sub lignis, posterior sub tegula. Vtriusque fornaces supra ex Etkero repraesentauimus. Ali¬
quando vero tantùm foris affinantur, veluti cum caemento, vel antimonio, sulphure, plumbo, etc. sunt
percocta quidem, & intus ad regulam perducta; sed foris adhaerent ex medicinis adhibitis alluuiones,
& sordes. Vocatur deflagratio, vel proflatio, quae plaerumque fit super patella fictili, ante folles viuo
carbone, donec tremore & nubecula transeunte purus fulgor & constantia emergat.
Argen¬