413
395
De Exaltationibus.
Argenti affinati indicium est, si experimentum in bacillo est candidum, aequale & malleo obse¬
quens. Candor autem intelligitur purae Lunae admodum excellens.
AeEs ad regulam coquitur peculiari fornace, quanquam pro sua bonitate natiua dispariter. Quod¬
dam enim inde euadit tractabile & sanguineum: aliud durius aspersumque manet, nec bene fert
malleum.
Affinatur & stannum iteratis excoctionibus. In omnibus experimentum rapi solet, immisus in
catinum, vbi sudor metalli seu liquor est bacillis ferreis. Id iudicatur mallei ictu, colore & caeteris
bonitatis argumentis. Nonnunquam in auxilium exactioris cognitionis assumitur fornacula, & ful¬
men procuratur.
Porro id quoque solenne est, vt vel per se elaboremus rem affinando; vel accessu medicami¬
num. Quocirca in metallis nonnunquam adiiciendum aes est, aliquando fluxus; aliquando plum¬
bum. Si argentum aerosum est, pro valore & copia argenti plumbum datur decuplum (si est octo lo¬
tonum) octuplum (si vsque ad duodecim) sextuplum (si à duodecim ad quindecim) vel etiam qua¬
druplum, nisi ad vltimum procedere velimus, vbi conuenit paulo plus, vt quintuplum vel sextuplum,
adiicere propter diuturniorem coctionem.
Hic affinationem vstoriam sequitur proflatoria. Nam quod de plumbo adhaeret in patella, pro¬
flandum est, adiecto, si opus est, pauco borace, vel sale petraeo. De his autem specialis praxis est plenior.
Nam euenit interdum, vt & hic plumbum sit apponendum, & patella seu testa puluere lithargyri indu¬
cenda, de qua re legantur docimastarum commentarii.
Quicquid inter affinandum apparet sordium, id quod in metallis solet emergere ad superficiem,
instrumento peculiari est detergendum: Quicquid ad imum concedit, medicaminibus consumitur; &
saepe euenit, vt catini demissis vncis à fundo sint exuscitandi mouendique, vti singulorum documenta
ostendunt.
Potissima quidem affinationis ratio est instrumento ignis. Ideo etiam propter excellentius fre¬
quent iusque institutum affinationem exaltationi causticae & illuminationi asscripsimus. Sed is calor
non seemper est in pari gradu, accommodaturque ad naturas rerum, vti cernere est in affinatione suc¬
corum resolubilium, qui calida soluuntur, filtrantur, ad purum per diuersa cola, reducunturque coa¬
gulando. Quaedam etiam subigere, fricare, & accurate abluere necesse est. Et est quando etiam hic adii¬
cimus medicamina, vt est detersoria salsilago calcis viuae in saccharo, sed quae studiose est separanda,
magno scelere eorum, qui vt candidius sit saccharum, quod finum dicunt, ramenta tincturamque cal¬
cis cum eo relinquunt, & sic magnis in re medica erroribus occasionem praebent.
Quaedam vt affinentur penitius, adiectis succis, aliísque detersoriis & combustiuis calcinantur in
reuerberio, & ex calcibus reducuntur, quomodo exaltat metalla imperfecta Geberus, vt possint aliqua
praerogatiua perfectionis commendari, vel etiam capacia fieri tincturae perfectorum. Sed his compe¬
tunt etiam praeparationes mundificationesque aliae.
Dicuntur quaedam affinari etiam sine igni, vt cum vera insolatione repurgatur. Quae abluendo,
igniendo, restinguendo, etc. fiunt munda, absolutaeque bonitatis, ad alias classes reiecimus.
Affinationi cognata est succorum extractorum, & decoctorum similiumque depuratio, quam
administrant pharmacopoei per varios segregationum modos, vt desessum & effusionem: clarifica¬
tionem per albumina: colaturas: destillationem per lacinias, & huiusmodi, de quibus in specie suo lo¬
co, sicut & operationes ipsae supra per se quidem sunt explicatae, sed hic famulari intelliguntur varie,
concurrentibus nonnunquam aliis, vt ablutione, mistione, subactione, destillatione, etc. Ista clarifica¬
tio ad affinationem adeo prope accedit, vt aliquando sit idem. Suo tamen vocabulo indicat rem cla¬
ram fieri ex obscura, quod fit extenuatione, rarefactione, remotione terminantium, seu admistae alieni¬
tatis impurae, vel fecum, etc. ita vt calor Solis vel ignis etiam aliquid momenti possit conferre. In chy¬
micis aliquando tale quid praestant medicamina descensoria (Kellpuluer vnd niderschlagenes Stüͤck
vt sales, aliique succi acres.
Aqua fortis clarificatur argenti portione: vinum etiam iniecto puluere silicum, vel sale, vel cal¬
ce Iouiali, vel lacte, & aliis, vt in exemplis videbimus. Sed affinatio aliquid amplius requirit, quàm cla¬
refactionem, & perspicuitatem liquidorum, vti testatur opus sacchari & reliquorum, quae inde nuncu¬
pantur FINA, seu affinata (Germanis finirt / affinirt / fein gemacht / hoc est, meracissima, pura puta,
consummatae praestantiae, vel finis regulaeque determinatae) ita vt quicquid finum censetur, id ad ex¬
acti iudicii finem perductum intelligatur, & omnes habere absolutionis suae dignitates. Animi gratia
quaeritur, quae sit sententia Psal. apud Ebraeos 12. V. 7. "Eloquia Domini eloquia pura: argentum igne exami¬
natum, probatum terrae, purgatum septuplum" (exustum in vase fictili in terram fusam septies, vt alii inter¬
pretantur.) Procul dubio intelligendum est argentum FINVM, meracissimum, & summae perfe¬
ctaeque puritatis. At non vid tunsepties transire caminum, testamque sentire debere, cum possit, post
quàm excoctum est, paucioribus ignibus depurari. Ex vena excoquitur[ss 1] per pyrimachum, aliaque ad¬
ditamenta in plumbum; ab hoc separatur [ss 2] tum aliis artibus, tùm vsitatissime cineritio maiore. Hinc
transfertur [ss 3] à in vstrinam: à qua redit purum, vsque ad drachmam. Hanc quoque si tollere velis, coque¬
tur affinabiturque [ss 4] in eadem vstrina sub tegula vel lignis; & tandem [ss 5] fulmine examinabitur, profla¬
birurque [ss 6], quae operae senarium perficiunt; sed non omnes sunt necessariae. Nam in eadem vstrina ad
summum affinari potest, & sic in quaternario vel quinario desini, vt taceam primam excoctionem non
esse repurgatoriam, sed confectoriam. Nodus numerorum septenarius est. Itaque hierophantarum
more perfectissimam consummatissimamque verbi diuini puritatem intelligimus, in qua nihil sit
alieni aut impuri, nihil humanae traditionis vel consilii, (Quis enim consultor extitit Domino 2) sed
constantissimorum Dei decretorum, voluntatisque syncerissima praeceptio, merusque spiritus diuinus
Mmm
Clarificatio.
Germano¬
rum fein / à
Latino finis,
vt fein Gold /
fein Tuch /
ein feiner
Mensch/ etc
quae aliquan¬
do etiam
ironica.