413
397
De Exaltationibus.
metalli candefacti, aut feruentis massas in lacus seu aqualiculos immergunt. Idem fit, cum ferrum re¬
coctum in chalybem mutamus, cum aeris excoctores abscissos panes aeris restinguunt, &c. Imo & cum
medicatos potus facimus, vtpote auratos, chalybeatos, ferratos, &c. Aliter etiam temere illis iacenti¬
bus aquas affundimus, quomodo & camini flagrantes carbonesque restinguuntur. Sed in metallur¬
gia fabrilique opere catinis feruentibus, metalloque plenis ita affundenda aqua est, ne exiliat. Quam¬
obrem obseruatis articulis ad parietes affusa aqua nonnihil incalescit, & tunc anteuertitur lucta qua¬
litatum contrariarum, spiritusque non ita violente coercentur. Ita in foco fulminatorio aqua vel ce¬
reuisia modice immittitur in massam per cineritium vacuum. Alia est ratio, cùm prunas affuso liquo¬
re recreamus: alia cum riuos in caminos venarum vstarum, imo adhuc flagrantium inducimus, vt
emolliantur: quod cum docimastae quoque requirant aliquando, inuertunt. Tostas enim venas plae¬
rumque in liquorem (vrinam, acetum, vel similem) praecipitant: sed digitos prius in canali fusorio
deferuere aliquantulum sinunt; postea restinguunt coloris & tractabilitatis melioris causa. Perfun¬
dunt aquis rogos aluminarii & atramentarii, sicubi saxa sunt tractata. Supplet hanc operam & pluuia,
vel etiam ei succedit.
Calx viua vti restinguatur vulgo, notum est; sed tamen non vsque adeò, quin si negligens sis, pe¬
riculum euenire possit, vti euenit illi, qui non penitus restinctam, sed incensam potius aquis cumula¬
uit, & in angulum ad ligna composuit, quo facto Vulcanus tabulata corripuit, aediculamque consum¬
psit. Bituminea, quaeque similis sunt naturae, possunt quidem item aquis restingui, sed confertim ad
principium flammae immissis, non desuper asfusis; vel admista terra in lutum mutatis; quod praestant
& madidi centones, fimus humidus, terra, etc. Chymicus Medicus non semper tractat vastam mo¬
lem. Itaque cum aquas bituminosas, vel ex calce medicatas requirit, etiam iniicit pugnos, vel arden¬
tes portiones in dolia aquarum, vini, vel alterius liquoris, & saepe versat, iterumque finit clarescere. Si
balnea vel lotiones medicatas requirit ex titionibus, vel prunis, vel cinere feruente: item in labrum
aqua instructum demittit. Quae feruefacta eliquescunt, vt plumbum, etc. praecipitari quoque in lin¬
tres aquarum possunt, sicut fit, cum granalia conficiuntur ex plumbo, auro, argento, aere, vel misturis
metallicis. Omnino in his perspecta debet esse natura rerum, & ratio finisque operis. Non enim tan¬
tum refert in multis, quomodo extinguas, sed & quo gradu caloris res ferueat, & quid consequi veli¬
mus restinguendo. Itaque & saepius in arte aquas medicatas (natura vel arte) aliosve liquores ei rei
assignamus.
Alius modus est, cùm irrorando aut guttas instillando restinguimus. Et est cum tota candefa¬
cta ita tractamus; est cum saltem aliquatenus, quod obseruandum etiam in praecedentibus nonnul¬
lis, veluti cum apices & aciem cultrorum duntaxat restinguendo firmatam, non autem dorsa quaeri¬
mus. Quaedam oblinimus medicaminum pastis ante feruefactionem, simulque incensa restingui¬
mus, siue toto id fiat, siue aliqua parte. Quaedam per se candefacta in pastas praeparatas demittimus,
vel obruimus iisdem. Nonnunquam asseminamus pulueres fusiles, vel in iis sepelimùs materiam.
Quaedam defiguntur, qua parte candent, in terram, aut emplastra, vel vnguenta, vel radices (rapha¬
ni, etc.) vel caules, vel succos extractos, aut liquores calcium, salium ve.
Qui ex restinctione olea quaerunt, vt ex ossibus feruefactis, ex lateribus, ex pyrite, & aliis, iuben¬
tur artendere, vt per interualla portiones pyragra correptae iniiciantur, ni velint exardescere oleum,
quanquam si hoc factum fuerit, madefactis pannis reprimi flamma queat; sed tamen iactura fit in spi¬
ritu. Fiunt & medicinae restincta sacchari puluere aqua ardente in calyce. Sed in his, si quae sunt singula¬
ria, ex practicis cognoscetur.
Quod ad compositiones materiarum, operisque repetitiones attinet, de his item singularia sunt
praecepta in praxi. Generice notandum est, in aliquibus scopum contingere, vna in aliis pluribus restin¬
ctionibus; & interdum liquores medicatos praecedere aquas simplices; interdum sequi; interdum
misceri varia.
Fines sunt varii. Nos hic potissimum respicimus Gradatorium, vt seu res feruens, seu liquor aut
materia, in qua fit restinctio, aliqua facultate qualitatve alteretur, vel immutetur. Dubitari tamen
potest, num mutatio in essentia fieri per restinctionem queat, an alteratio duntaxat; & num transeat
aliquid corpulenti ex restincto, an vero qualitas noua accedat, vel exaltetur pristina. Non videtur mu¬
tatoria esse extinctio; vti nec Philosophi concedunt, qualitatem migrare de subiecto in subiectum.
Corruptoriam esse posse restinctionem, in medicatis praesertim liquoribus manifestum est. Ignitio
vel feruefactio fores aperit medicamini substantiam inuasuro. Quin & sola ignitio repetita combu¬
stiua substantiae est. Si accedat insuper restinctio valide agentibus effectiuis, mutatio erit procliuior.
Inde examen ignitorum dependet apud Geberum, quoniam sunt quaedam, quae à tali balneo rece¬
dunt meliora, aut saltem illaesa, quae est perfectionis nota. Vnius corruptio alterius est genera¬
tio. Sequitur ergo, restinctionem posse mutare substantiam, si de toto opere rem accipias, & non di¬
uellas partes.
Philosophi deprehenderunt mysticam illam in oleo suo restinctionem vel illitionem, aut insper¬
sionem tincturae in imperfectum metallum igni candefactum, producere nobilius, & perfectum red¬
dere, seu esse transmutatoriam. Hoc arduum creditu videtur in auro & argento. In aere & ferro pe¬
ne est res ludicra. Nam ferri candefacti extinctique stomoma seu acies pro chalybe habetur; & trans¬
ire ferrum etiam totum in chalybem, ista arte notum est. Restingue id saepius aquis atramentosis, in aes
mutabis, quod perficietur coctione.
Quidam persuasum habent, si aurum, argentumve ignitum saepius in hydrargyrum immersum
rest inctumque fuerit, id abire posse in argentum viuum. Mollitiem sane & tincturam inde contra¬
het. Iam autem, si ex illo paraueris aquam mercurialem, quae ingressum habeat, & fixam tincturam, non
Mmm 2