413
398
Comment. Alchem. Part I Lib. VI.
non dubitauerim, aliquid in hoc genere posse restinctionem aeris vel ferri. Notum autem est etiam
metallurgis, quàm pertinaciter cohaereat tinctura argenti, corpusque cum ferro, si ei per minima fue¬
rit confusa; quamque contumax sit mistio argenti & stanni. Sed haec alibi disputantur.
Num aliquid corpulenti fecedat restinctione, norunt fabrilis artis magistri, & excoctores aeris,
Ideo hi suos panes aqualiculis restinguunt, vt quod abscedit, colligatur. Quae feruefactione sunt euocata,
vel combusta, vel abscedunt, vel absistunt. Sulphur, in quo restinguitur argentum aerosum, extrahit argentum,
Magna omnino vis est medicaminum, quibus imperfecta comburuntur seceduntque. Opus autem
in aliquibus est auxilio mallei, quo decutiantur extracta corruptave. Spiritus vero transire quid no¬
tius est? Sed & non otiosos hos esse, verum vna transferre qualitates, quid in tota metallurgia & me¬
dicina exploratius? Disputent iam scholae, qualitates non migrare de subiecto in subiectum, quia in¬
separabiles. At medio spiritu migrant, adeo vt etiam quod relinquitur, cadaueri sit affinius, quàm
saluae rei. Non tamen quaelibet virtus seu transit, seu ita migrat, vt rationem habeat in nouo subiecto
effectumque. Non enim quoduis cuiusuis est susceptiuum, quique spiritus transferuntur, saepe dissi¬
pantur denuo, nisi coagulent. Verùm de his ampla potest esse dissertatio, quae non congruit huic in¬
stituto.
Exaltatoriam esse extinctionem seu restinctionem in caeteris dotibus, vt colore, calore, sapoti¬
bus, fixitate, mollitie, volatilitate: quin & internis totius substantiae viribus, res ipsa loquitur. "Aqua
enim chalybeata aerataque purgandi turbandique aluum potestatem acquirit." Ferrum molle vel durum redditur
diuersis, in quibus restinguitur, liquoribus. Ita de caeteris, in quibus aliquam praerogatiuam & emi¬
nentiam, siue απλως quaerimus, siue προς τι. Hinc fiunt magisteria varia pro vsu domestico, & medici¬
nae contra morbos, & prophylacteria sanitatis.
Apud Geberum docimasticus est finis. "Multiplex", inquit, "est restinctionis experientia, vtpote qua cog¬
noscitur, vtrum in perfectione consistat magisterium, an non". Aurum liquore extinctum citrinum fulgi¬
dumque euadit: argentum album. Fucus his suberit, quibus alienus color afflatur, conciliaturque
restinguendo, de quo pronuntiatur exactius, si repetita fuerit ignitio & restinctio in aquis acribus,
sale vel alumine; & metalla illa in scabiem squamasque hiscant nigras, quod arguit & extinctio in sul¬
phure. Deinde quod ab extinctione malleum non sustinet, imperfectum esse iudicatur, si pro per¬
fecto, quod debet de sua mollitie non remittere, aut parùm saltem recedere (argentum durius tan¬
dem efficitur restinctione acrium & sulphuris crebra) erat exhibitum. Euidentius adhuc est iudi¬
cium & examen acrius, si his praemissa fuerit caementatio. Ex quo notandum, non omnia, quae re¬
stinguere volumus, simplici igni incendi; sed interdum medicato, vt in caemento & affinibus.
Praemittitur autem auro caementum regale ex aerugine & ammoniaco sale puerili vrina mistis:
argento caementum imperiale ex puluere laterum, sale, tartaro, & similibus. Si ita inflammatum me¬
tallum, restinctumque acribus aquis, cedit malleo, frangiturque, & colorem natiuum mutat, aut aliam
praerogatiuam amisit, improbum iudicatur. Docimastae hoc ingenio explorant etiam tostas venas,
certis signis cognoscentes, si in vrina vel aceto extinguantur, num quid metalli habeant Non mirum
est, restinctionem esse docimasticam, cum & ignitio, quae illam in durioribus praecedit, estque pars te¬
tius operis, sit. Alia vero est ignitio auri & argenti; alia aeris & ferri, quibus accedunt colores sequa¬
ces; & tractabilitas.
Aurum & argentum funduntur citius metallis duris; sed ante fusionem igniuntur, exhibentia
amoenos colores, vt initio caeruleum, postea fulgorem igneum oculis molestum, de quo in fulmine,
Aurum in perfecta ignitione colorem habet rubeum intensum. Quod citius funditur, quàm igniatur,
si absit medicamen tabefaciens, pronuntiatur imperfectum, vel immaturum, aut fucatum. Ita si non
nisi laboriose fortique igni candefiant. Verum haec hactenus.
Alius finis extinctionis est solidatio & recreatio, quam Germani vocant, abkühlen. Ea etiam
sine liquore fit apud vitrarios in camino singulari, vel eius secreta camera. Fabri ferrum ita solidant:
prunas nonnulli sic & firmant & restaurant. Balneatores vaporaria incendunt, alio fine restinctis sili¬
cibus, vel diphyge ex catinis ferrariis & aerariis. Restinctio etiam seruilis est in venis praeparandis, in
calcinandis gemmis, in granulando: in fulminando etiam adiuuat perfectionem. Obiter parit balnea
medicata quorum non erat primaria intentio, vt cum scoriae abiectaneae cupis aquarum restinguun¬
tur, vel etiam panes aerosi, etc. Ita seruit oleis tenuissimis parandis. Quis enim ignorat vim ignis ma¬
terialis in singulari subiecto? Non ignis tantùm per se est attenuatorius calefactoriusque, sed & ma¬
teria, in quo est, praesertim acris & diuidendi potestatem habens, & segregandi heterogenea; veluti
cum exclusis crassis lateres igniti combibunt tenuem liquorem, eumque attenuant magis. Inde & se¬
paratoria, ablutoria, percoctoria, seu maturatoria potest esse restinctio, cuius exaltatio apparet, quia
priuationi submittit habitum, formamque & actum perfectionis calore, tenuitate & aerea natura
procurata inducit, & veluti ex materiae potentia virtute effectiua in analogo educit. Motum autem
rarefactiuum vna esse, & quodammodo etiam localem per confrictum & colluctationem partium
inter ebulliendum resolutis in spiritum aereum vel igneum nonnullis vel ipsi tyrones physicorum
non ignorauerint. Motus huiusmodi quantum possit, pridem explicauit magister peripati in meteoris
suis, etiam ad alieniorem physicam in hoc delapsus.
Non est, vt dicamus de comitante extinctionem stridore, fulmineque, & huius gratia tonitrua,
Solisque in Oceanum labentis iuxta priscam fabulam strepitus reponamus.
Num extinctio et Medicos odores, vaporesque procreare possir quam rere vtilius est. Iam a. ita dentes
putridos, vermesque & humores in eos decumbentes aliqui per vapores inde exuscitatos, & tubulo exce¬
ptos directosque sanare aggrediuntur. Alii ita medicantur vaporaria. Et quid opus est persuadere medi¬
catos halitus extincta expirare, cum id non ignorent populares balneae? Restinctionibus licet est efflo¬
rescen¬