575
RAYMVNDI LVLLII 141
Item nonnulli alij dissoluerunt corpora seorsim, scilicet Solem & Lunam
& pariter soluerunt eorum rectum pondus salis petrae praeparati pro Luna: &
sal armoniacum aut sal commune bene pręparatum pro Sole: & coniunxerunt
simul quodlibet ad partem suam: postea putrefecerunt & fecerunt & compleue¬
runt eorum operationem omnem, ita vt superius diximus. Et omnes hae supra¬
scriptae operationes sunt notoriae & nobilis effectus: & eas satis cognouimus.
Sed nihiloninus non sunt adhuc de nostra intentione: non idcirco quòd nos
dicere velimus eas non esse nobiles & sufficientes: sed pro labore ac tempo¬
re nos quaerimus & petimus terminum magis abbreuiatum nostrae intentionis.
Et istę sunt intentiones operantium quas per mundum & regiones vidimus,
scilicet facere operationem notoriam cum qua possent purgare & sanare cor¬
pora infirma tam creaturarum rationalium quam corporum metallicorum, & da¬
re ac restit uere defectum naturae, aut corruptionem in perfectam sanitatem
& claritatem luminosam omnis pérfectionis.
CAP. II.
Qualis debeat esse intentio quaerentium in hac scientia.
Palam omnibus esse debet in genere, qui hac scientia vti volunt & eam sci¬
re, quòd haud nitantur vel intendant solùm velle facere frustum metalli
sed velint tantùm ac tam altè transcendere naturam, vt ipsi possint semel fa¬
cere rem vnam aut decies aut centies aut millies plusquam perfectam. Quo¬
niam quoties perfectior erit aut in triplo aut in quadruplo aut centuplo illa pro¬
ducet è seipsa, & hoc modo superabit naturam: quoniam natura non potest
in suo naturali cursu facere res nisi indiuiduas & in singula frusta aut partes per¬
fectas autem imperfectas aut neutras, ita vt quotidie videri potest in auro quod
est perfectùm, & amplius non est. Et postea in alijs corporibus metallorum
quae sunt neutra, & post in omnibus alijs rebus, vt sal alumina, airemes (ęramen¬
ta) vitriolum, sulfur, arsenicum, sal armoniacum, mercurius, qui duo in se con¬
tinet, nempe neutralitatem & imperfectionem, quae aliàs dicuntur res naturales,
non naturales, & contra naturam. Quoniam igitur notum est, quòd nisi hae res
ad perfectissimam & magnam simplicitatem & subtilitatem reducantur, in his
non potest paulatim augeri nec indui tam altus gradus & exaltatio supra na¬
turam: ideo consulimus omnibus qui hac scientia frui volunt, vt bene animad¬
uertant, in quo ponant suam intentionem, ne tempore abutantur & vita pro¬
pria in rebus crassis & extraneis aut sophisticis, quia istud nil aliud foret quàm
tempus amittere & abuti. Sed firment suas intentiones & cogitationes in re¬
bus firmis & stabilibus, sequendo naturam per amabilem viam vt ea ijs dona¬
rè velit de suis gratijs, & se superari patiatur per ordinem & viam, id est, ascen¬
dere ad Caelum, & se gubernari permittere per amicabilem concordiam, id est
pacificè reuerti de Caelo, & concordare firmam rem ac stabilem.
CAP. III.
De quibus & in quibus rebus operandum sit in hac scientia.
Charissime & perfecte amice notum est apud omnes Philosophos, quòd
lapis philosophicus est in omnibus rebus in quibus nutritur. Et iam pro¬
batum est per omnes sectas generationum, quòd omnia generant simi¬
lia sibi ipsis: nam ex equo equus, & ex homine generatur homo: quale igitur se¬
men seminaueris, tale semen colliges: quoniam auri semen deaurat, & argen¬
ti semen argentat. Et nihilominus iudicium est omnium Philosophorum
quòd aurum & argentum Philosophorum, & illorummet mercurius, non sunt