575
RAYMVNDI LVLLII 165
rius fixus est propter bonam partium adhaerentiam, & fortitudinem suae com¬
mistionis, quocunque etiam modo partes ipsius inspissentur per ignem: vl¬
terius non permittit se corrumpi, nec eleuari etiam per ingressionem flam¬
mae, quia aut cum tota sua substantia remanet, aut recedit. Hanc autem fixio¬
nem oportet fieri, vt dictum est, per ignem temperatum, quia calor tempe¬
ratus est humiditatis inspissatiuus & commistionis perfectiuus. Ignis autem
vehemens est humiditatis consumptiuus, & fusionis turbatiuus. Et quia i¬
gnis non est res, quae benè mensurari possit, ideo contingit in illo errare sae¬
pissime eum qui non est exercitatus.
Sextò, videndum est de mercurij calcinatione. Quum autem mercu¬
rius fixus fuerit, ponatur, vt docet Geber, primò ad ignem temperatum, de¬
inde ad fortiorem & fortiorem, & calcinetur quovsque soluatur in aqua, de¬
inde coaguletur, & iterum calcinetur, & hoc modo fac tribus vicibus, ante¬
quam ad commistionem lapidis philosophici procedatur: quod tamen non
videtur necessarium, nisi fortè propter medicinae maiorem efficaciam, & i¬
gneitatis intentionem. Dicit autem Vincentius in Speculo doctrinali, quòd
corpora calcinare, nihil aliud est quàm extrahere humiditatem corrumpen¬
tem, & intromittere humiditatem igneam rectificantem, per quam est vita
eorum, & essentia postmodum stans in igne examinationum. Humiditas au¬
tem quae à corporibus per calcinationem extrahitur, eis postmodum cum
mercurio reddenda est. Quanto enim magis res aliqua sicca est & calida, tan¬
tò magis bibit de frigido & humido.
Causa autem quare res quasdam calcinamus, est, vt scilicet melius soluan¬
tur: & propter hoc soluuntur, vt melius ab eis corpora inspissationem susci¬
piant in proiectione medicinae. Vnde dicit Geber: Calcinatio est rei per i¬
gnem puluerizatio, cum priuatione humiditatis partes corporum consoli¬
dantis. Necesse est enim continuationem partium corporis ab inuicem se¬
parari, vt ignis possit liberius ad quancunque partem eius minimam perue¬
nire. Causa calcinationis spirituum est, vt ipsi melius figantnr, & soluantur in
aquam: quia partes calcinatae magis subtiliatae per ignem, facilius cum aquis
commiscentur, & in aquam conuertuntur.
Modus autem calcinationis spirituum est, vt eis ad fixionem approximan¬
tibus administretur ignis successiuè, & paulatiuè augendo ne fugiant, quo¬
usque maximum ignem tolerare queant. Signum verò perfectae calcinatio¬
nis est, quando res calcinata in aqua calefacta soluitur, & soluta, post euapo¬
rationem aquae coagulatur, & post coagulationem in igne funditur; & itera¬
tò coagulatur.
Septimò, videndum est de lapidis philosophici vera compositione: Mo¬
rienus ad Calid Regem sic dicit: Omnis huius magisterij perfectio in captu¬
ra corporum coniunctorum & concordantium constat. Nam & haec corpo¬
ra naturali artificio substantialiter adinuicem coniunguntur, & concordant;
& funduntur, & adinuicem recipiuntur, calsdum cum frigido, humidum cum
sicco, si tamen purum inueniat purum. Et si aqua in terra non inueniat ali¬
quod admistum, per quod prohibeatur corpus ingredi in suum contrarium:
ubi dicit glossa, Vera coniunctio est necessaria, vt corpus nostrum incom¬
bustibile permaneat: quod non fit, nisi debita coniunctione elementorum
quatuor. Elementa autem verò commista remanent incombustibilia: si non
vere coniungantur, comburuntur, nec vnum defendit aliud.
Unde Hermes in fine secreti sui provt eum allegat Aristoteles in libro Perfe¬
cti magisterij, bene scripsit, dicens: Sicut enim hic mundus sensibilis, in quo