575
RAYMVNDI LVLLIS 187
pla sui parte, eo quòd frigidior Sole: quia magis vigent virtutes actiuae in So¬
le quàm in Luna in principio confectionis lapidis. Veruntamen quantitas ma¬
teriae Solis non excedit precium in veritate vnius aurei. Plus autem excedit
in valore materia Lunaris, eo quòd terrestrioris naturae & fragilioris virtutis
est. Et ideo cum auri virtute confortatur, & sine ipso debilitatur: Nam Luna
quamuis frigida sit apud omnes in secundo, tamen est in tertio gradu: sed non
habet tantam virtutem quòd possit agere in materiam passiuam argenti viui, nisi
succurratur per materiam magis actiuam: & ideo terra sulfuris praeparatur cum
arsenico nostro, sicut arsenicum cum sulfure nostro. (arsenicum nostrum, ter¬
ra Lunae: sulfur, terra auri). Sulfuris autem compositio est, quòd si decoquatur
oleo suo (id est aere) cum modico fermenti infra octo dies reuertitur totum in
puluerem rubicundissimum tingens argentum in aurum.
Vbi seruetur materia quaesita.
Praeparatio autem aquarum, & an debeat poni in opere, & quid de ipsis
fieri debeat, iam enarratum est in libris Philosophorum. Et iam dixi, quòd
materia quaesita reseruatur in humido balneo Mariae, phlegmatico conser¬
uatiuo & putrefactiuo cum sua spissitudine in furno secreto Philosophorum.
Qualiter fiat distillatio.
Distillatio autem fit per venas vitri absque separatione materialium: imò
coniunctione in furno nostro secreto est nostra sublimatio. Et iam de me¬
diorum naturis est satis declaratum.
Quomodo corpora nutriantur.
Corpora autem non nutriuntur, sed solum germen eorum in se ipsis cum
igne variae decoctionis, circa quam est hîc aspicienda practica. Nam &
corpora non sunt nisi germinis eorum pabula: quoniam hoc certum est
quòd corpora mutantur, & alterantur, & reducuntur ad naturam germinis spiri¬
tualis: ipsum enim germen augmentatur congelando, & nutrit se ipsum dila¬
tando sicut puer cum lacte virginis: ita quòd corpora tanquam fercula eius re¬
soluuntur, & in ipsum conuertuntur: sic quòd dissolutio corporum fit, cùm spiri¬
ritus congelatur & nutritur. Et congelatio spiritus fit, cùm corpora dissoluun¬
tur, & in aliam naturam reducuntur. Et ita congelatio vnius non fit absque disso¬
lutione alterius, nec è conuerso. Et generatio formae aduenientis non potest
fieri absque corruptione praecedentis. Forma quidem corporum propter formam
spiritus aduenientem, & tota substantia corporis cedit in alimentum, & formam
substantialem spiritus: sic quòd omnis solutio est mortifera (corpori) sicut om¬
nis congelatio viuificatiua, & causa vitae propinquissima.
De forma uasis, & qualis sit.
Forma vasis quidem artificialis in quo dictum opus perficitur, talis est qua¬
lis est forma vasis naturalis cum suis longis venis, in quibus fit separatio pu¬
ri ab impuro: nec est alterius formae, & est vnicum vas cum duabus cannis.
Nam ad hoc praecipuè debemus naturam imitari.
Quando fiat fermentatio.
Fermentatio autem fit post originem infantis (id est post sublimationem sul¬
furis) vt sibi administretur optimum ferculum existens cum tota sui substantia,
vt corpus debile magis ac magis substentetur & reducatur ad naturam for¬
tiorem. Nam fermentatio nil aliud est, quam cibus spiritualis conuertibilis in essen¬
tiam infantis: & vt totum efficiatur opus vnius naturae: veruntamen in tali cibo prae¬
cedit ipsius praeparatio. Nam haec fermentatio cibalis, debet esse de sua propria
natura, & sibi assimilanti, quonsam nisi assimilaretur ei, nunquam in eorum na¬
turam incorporaretur, vel conuerteretur in naturam sulfuris.
Q 4