575
DE PERFECTO MAGISTERIO 217
postquàm totum fuerit sic bene immassatum, pone & dimitte in vase vitreo per
spacium quatuor dierum: Deinde proijce totum in vna libra aquae albuminum
ouorum & claude vas & in fimo pone ad soluendum per quindecim dies, &
soluetur in aquam claram & albam vt lac: Et hoc est oleum completum album
Philosophorum.
Fit etiam aqua seu oleum ex sanguine ouis & capillis & alijs, quae dicitur e¬
tiam Philosophorum.
Oleum rubicundum fixatiuum: Recipe vitrioli Romani lib.I. & semis, salis armo¬
niaci, salis nitri, cinaprij boni & rubei ana lib.i. & fiat aqua fortis: Sed proijce
lasciuam, id est phlegma. In qua aqua forti extinguantur frusta laterum anti¬
quorum candentia, siue laterum recentium nunquàm tactorum ab aqua, & clau¬
datur vas vsque quo materia fuerit infrigidata: postmodum frusta laterum ex¬
trahantur & puluerizentur, & in cucurbita alembico superposito ponantur &
distillentur aqua vel oleum vsquequo faeces siccissimae remaneant: in quo liquo¬
re dissolue mercurium bene mundificatum super lentum ignem & fixabitur
& rubificabitur, & erit materia liquida sicut thiriaca vel butyrum: de qua fac
proiectionem vnum super decem Lunae purae, & conuertetur in colorem Solis
fixum ad omne iudicium & examen, sed deficit in pondere nisi Luna primo
fixetur.
Aqua seu oleum rubeum: Ratramenti & vitrioli rubificati, & parum salis
armoniaci, & tantum limaturae ferri, & pone insimul & proijce acetum supra
& dimitte per quindecim dies, & distilla decies aut pluries, quovsque acetum
distilletur rubeum vt sanguis, & qualibet vice renoua atramentum. Hacte¬
nus additio.
Crocum Arabicum, & uitriolum Arabicum uiride.
Accipe limaturae endanici (vel acerij siue azarij) partem vnam, & assa ipsam
cum medietate sui arsenici citrini, cuius medietas sit separata solum, & a¬
lia medietas praeparata ad comburendum corpora: Et fac ipsum descendere per
botum barbatum donec albissimum & serenissimum descendat: Et renoua ei ter
arsenicum supradictum: tunc frustum quod descendit lima subtiliter, & fac mo¬
rari hanc limaturam in duplo sui de aceto vini albi fortissimi per septem dies, in
quo prius sit soluta decima pars sui de sale armoniaco separato, & omni die com¬
moue bis vel ter fortiter, & stet illud acetum ad Solem & in loco calido: septi¬
mo die extrahe limaturam ab aceto, & ignias eam in cacia ferrea ter, & omni
vice contere eam ter forriter in mortario ferreo, & ablue eam bene in dicto a¬
ceto, antequàm ad igniendum reponas: & ita fac de septimo in septimum diem,
donec limatura ferè, dissoluta sit in dicto aceto, & ipsum acetum sit rubicundis¬
simum quasi sanguis: tunc distilla huiusmodi acetum per filtrum, & post distil¬
la ipsum per alembicum, & id quod in fundo cucurbitae resedit accipe, quia il¬
lud est oleum Arabicum. Et si vis facere vitriolum Arabicum viride, fac per o¬
mnia de limatura aeris separati, vt fecisti de limatura endanici, & quod in fun¬
do cucurbitae resederit illud est vitriolum Arabicum viride.
Ratio componendorum Elixirium ex praedictis speciebus praeparatis.
Accipe limaturae Lunae separatae lib. semis, sulfuris & arsenici separatorum,
& calcinatorum alborum ana vncia tres, mercurij separati albi lib.I.tere haec
omnia insimul super porfidum & imbibe cum aqua salis armoniaci praeparati
albi lib. semis, & tunc assa leui assatione: deinde tere & pone totum in aludel a¬
lembico superposito cum suo recipiente bene concluso, & pone super athanor
sublimationis, & fac desubtus ignem leuem donec tota humiditas per alembi¬
cum in recipiente ceciderit, et tunc vigora ignem paulatim per duos dies, &
T