575
DE CONFECTIONE VERI LAPIDIS 227
xit purissimum spiritum vitrioli praedicti, quod est inuisibile sulfur. Demonstra¬
tur autem spiritus inuisibilis vitrioli ad sensum per ingenium sic: Recipe acetum &
in eo extingue ferrum quatuor vicibus: Deinde pone ibi mercurium sublima¬
tum & tritum per vnam noctem, in crastino distilla acetum per linguas bis vel
ter donec sit clarum, post mitte in ampulla vitreata ad ignem lentum, & amo¬
ue cappam nigram ferream, quae eleuabitur, & post purgationem da ignem
& euapora acetum & remanebit ibi spiritus vitrioli in fundo, de colore flo¬
ris gaudij amoenissimo supra modum si experto credatur: Et ita habebis ad
partem mercurium mortuum effectum, & ex alia parte sulfur inuisibile su¬
pradictum. Quare mihi est monstratum, quòd mercurius per vitriolum subli¬
matus, secum portat spiritum eius, quia sulfur inuisibile lapidis tinctura appel¬
latur. Nam de mercurio sine vitriolo sublimato, non poteris extrahere spiritum
praedictum. Haec est operatio prima.
SECVNDA OPERATIO
Secunda operatio huius artis est, Ab illo mercurio sublimato, qui est albus
vt nix, extrahe spiritum eius qui à quibusdam magnis Philosophis quinta
essentia clamatur, quia spiritus ille est incorruptibilis ferè vt caelum, licet sit
non fixus volatilis, quia sic est necesse: extrahatur enim haec quinta essentia, hoc
est spiritus mercurij ab illo supra sublimato sic: R.lib.i.salispetrae & tantundem
vitrioli Romani, et extrahe aquam fortem, & terè mercurium supra sublimatum,
& dissoluè eum in illa aqua forti supra cineres calidos in amphora vitri clausa
per duodecim horas: quod si non dissoluatur pone intus de sale armoniaco se¬
ptem partes aquae vel plus: & hoc est maximum secretum in arte: (N. si in prin¬
cipio sumatur sal nitrum pro sale petrae, puto fore melius.) Appone ergo cor
tuum ad ipsum, et post dissolutionem pone in vrinali, et desuper alembicum,
et mitte super ignem, et distilla aquam fortem, quam recipe, et post totalem di¬
stillationem continua ignem, et ascendet per latus vrinalis spiritus mercurij: et
haec est quinta essentia albior niue: in fine fortifica ignem, et totum ascendet:
Deinde aperi vas, et extrahe quintam essentiam, et inuenies in fundo vasis fae¬
ces combustas et nigras à spiritu mercurij separatas. In hac autem operatione
fecisti duo: Primò separasti illud quod in albo mercurij separato erat terrenum
corruptibile et imperfectum: totum enim combussit illud aqua fortis: Et est mi¬
rum valde, quòd de re alba vt nix, possit extrahi res terrestris et nigra. Secun¬
dò imbibisti intra spiritum mercurij amplius de spiritu vitrioli, qui est in aqua
forti: et hoc est quod in prędicto tractatu dixit magister Arnoldus, dicens sic:
Bibat, bibat, bibat quantum bibere potest per duodecim horas, (N. vices) quia
mercurius dissolutus est in aqua vitrioli, hoc est de sulfure inuisibili, quam ha¬
bet: Et haec dissolutio fit in duodecim horis. Secundò dissolue spiritum mercu¬
rij in aqua forti, & sublima vt prius, & remanebunt in igne faeces non tot vt prius
Tertiò reitera opus, & nihil de nigris faecibus, aut parum inuenies, & tunc ha¬
bebis perfectè quintam essentiam materiam lapidis secundariò praeparatam,
in corruptibilem, volatilem non fixam, et niue albiorem.
TERTIA OPERATIO
Recipe praefatum mercurij spiritum separatum seu eius quintam essentiam,
& tere mundissimè super lapidem, & pone puluerem in vase vitreo, & mit¬
te in furno Philosophorum in stufa sicca ad digerendum, provt quidam
volunt nominare: licet alij dicant ad calcinandum ad ignem lentum de carbo¬
nibus factum per octo dies, vel plus, quem furnum fortasse inserius describam
vel alibi inuenies: Ibi enim decoquitur vt possit dissolui in aquam: quoniam
quando aliter dissolueretur, nec opus perficeretur.