575
228 IOANNIS DE RVPESCISSA
QUARTA OPERATIO.
Quarta operatio est, vt digestionem praedictam in vrinali ponas clauso in
balneo infra ollam plenam aqua, donec tuus spiritus dissoluatur in aquam
qua dissolution e facta & completa, pone desuper alembicum: vel in
principio quando vrinale ponis in balneo potes desuper alembicum adapta¬
re: Demum da ignem, & ascendet stilla roris madij in modum aquae vitae luci¬
da lacryma oculi, lac virginis, purissima lapidis materia occulti vltima prępara¬
tione perfecta, gustu amara, ad literam acetosa, volatilis non fixa, incorruptibi¬
lis ferè per digestionem in puluerem, à Gebero nunquam cognita, ab Auicenna
ignorata. Hanc Hermes palpauit, Alphidius aptauit, Rosarius intellexit, magi¬
ster Arnoldus dictauit: Nam de hac quarta operatione quae dicitur expressio
lactis virginis, dicit magister Arnoldus, Quod oportet exaltare filium homi¬
nis in aeris cruce: quod est ad literam, de materia in tertia operatione digesta,
quae trita ponitur ad dissoluendum in fundo vrinalis, ascenditque quod ibi est,
purissimum & spirituale, & in aerem sursum conuertitur, & in cruce exaltatur
capitis alembici, quasi Christus, vt magister Arnoldus dicit, eleuatur in cruce.
Et ista dissolutione completa, habes tuam materiam vltima praeparatione prae¬
paratam & perfectam: & si vnam guttam ex hoc lacte virginis super laminam igni
tam proieceris, dealbat eam intus et extra. Et ita vidisti quòd materia lapidis
est vna, non simplex omnino, sed composita ex spiritu mercurij, & ex spiritu
vitrioli Romani, quod dicitur sulfur inuisibile, non vulgi, sed Philosophorum:
quia est tinctura mercurij & rubedinis: licet mercurius in se non habeat tinctu¬
ram ad rubeum intrinsecus absconditam: sed propter purgationes quia nimis
est terreus, dimittit, & ob hoc indiget sulfure purissimi vitrioli imbibi ad ple¬
num vt supra.
Hac autem distillatione completa, inuenies in fundo vrinalis elementa tria
mista simul, quòd remaneat terra crassa & combustibilis: & extraxisti ab eo ele¬
mentum aquae animatum anima spirituali vitrioli Romani: & est per se sine a¬
lijs tribus elementis sufficiens materia lapidis maximè ad album, & ad rubeum
consequenter vt dicetur. Si autem vis separare alia tria elementa ab inuicem,
operaberis in hunc modum: Recipe illas faeces terrae, & pone ad digerendum in stu¬
fa sicca vt prius: postea pone in balneo ad dissoluendum & distillandum vt pri¬
us cum fortissimo igne: & quod ascendet per ignem balnei est elementum ae¬
ris de colore olei: recipe ipsum & serua: & cùm nihil amplius poterit ascende¬
re, transfer vas de balneo ad ignem sublimationis in cinere, & da ignem bonum
& ascendet per alembicum elementum ignis rubicundum in liquore olei ru¬
bei: Recipe ipsum & serua ad partem: et ita habes à mercurio quatuor elementa ab
inuicem separata. Primum elementum aquae, quod lac virginis dicitur: Secun¬
dum elementum aeris, scilicet oleum resplendens in balneo distillatum: Ter¬
tium elementum ignis, scilicet oleum rubeum distillatum ad ignem: Et quartò
habes in fundo vasis elementum terrae nigerrimum vt carbo, quod nihil vltra
valet. Intellexisti haec omnia? Nescio quid de mercurio clarius dici possit.
QVINTA Lapidis OPERATIO.
Materiam lapidis perfecte praeparatam in hac quinta operatione doce¬
bo: quomodo videlicet materia praeparetur ad album, id est, quomodo
lac virginis digeratur & reducatur virtute ignis in puluerem tam subti¬
lem, vt non sentiatur per tactum manus. Recipe igitur lac virginis: quod qui¬
dem lac dixerunt quidam Philosophi, animal cum sanguine suo: animal quod
crescit in sublimando, & habet animam sanguinis, id est tincturam rubedinis,
spiritum vitrioli supradictum: & pone infra vitri amphoram in fundo rotundam
& ignias