575
PHILOSOPHORVM. 233
Diomedes, Quia hoc fecerunt quatenus insipientes et ignorantes istam rem non
cognoscerent. Item Morienes, Inuidi nomina multiplicauerunt, & posteros se¬
duxerunt. Vocant autem seipsos Inuidos, quia inuident ne alijs quàm sibi ipsis
hęc scientia proueniat. Item Pithagoras, Multis istam rem vocauerunt nomini¬
bus propter excellentiam suae naturae. Bonellus autem dicit, Quòd nomina mul¬
tiplicant, quia in operatione huius rei omnes colores, qui excogitari possunt in
mundo, apparent: & sic eius nomina diuersificauerunt secundum diuersos co¬
lores. In opere omnia elementa continentur: quare ipsi rem nomine cuiuslibet
rei elementatę nuncupauerunt. Quòd autem in hac re sint elementa quatuor
Orpholeus dixit, Scitote quòd in nostro magisteriooportet elementa pura, cru¬
da, syncera, & recta super ignem commiscere, & cauere ignis intensionem quo¬
vsque coniungantur elementa, & sint se inuicem complectentia. Elementa igi¬
tur igne leui cocta diliguntur, lętantur, & in alienas conuertuntur naturas: hęc
Orpholeus. Ait etiam philosophus, Conuerte elementa, & quod quęris inue¬
nies: Conuertere autem elementa, vt quidam alius, est facere humidum siccum, &
siccum humidum, & fugiens fixum. Ergo habetis p.s. quòd in ista re vna, sunt
quatuor elementa, quae visibiliter videntur & naturaliter extrahuntur: et ideo
philosophi vocant aquam istam, quatuor corpora & quatuor naturas: Dicit enim
Hermes, Aqua illa est natura cęlestis, quae in corporalibus existentia elementa
sua regione separat, & iterum ea componens, in vnum reddunt. Dicit enim Ni¬
midus, Fit hoc compositum perfectum in omnibus quatuor elementis. Haec
autem multiplicatio nominum, fuit causa erroris illorum qui operantur in non de¬
bita materia, sicut in salibus, aluminibus, vrinis, stercoribus, sanguine humano
sulfure et argento viuo in natura, in marchasitis, & in multis alijs rebus: igno¬
rantes quòd in re non potest inueniri quod in ea non est, vt dicit Geber: nec
intelligentes quòd philosophi similitudinariè et metaphoricè in dictis suis
sunt locuti: hanc artem preciosissimam & secretissmam, penitus nulli reuelandam
putantes. De hac aqua siue de hac re, multa & infinita dixerunt philosophi, quod
esset prolixum narrare. Habetis ergo p.s.quae sint principia materialia huius
rei, seu causa materialis quae dicitur medicina philosophorum, quia argentum viuum
& sulfur. Restat consequenter determinandum de causa agente. Agens seu
mouens ipsam materiam ad corruptionem, est calor qui est instrumentum mo¬
uens ad putrefactionem, & non est aliud agens in mundo: Et hoc est quod Al¬
phidius philosophus dixit, Scitote filij quod substantia agens in hoc toto mun¬
do est vnum, scilicet calor: Calore autem priuato nullus est motus aut actus, i¬
psius enim dispositionis materiae radix, est calor: sed tamen multi sunt gradus
caloris seu ignis. Est autem videndum quis est iste ignis, & in quo gradu est.
Certè iste ignis, est ignis caloris fimi equini: Vnde Alphidius dicit, Igne coqui¬
tur quem tibi ostendam: Est se abscondere in equino stercore humido, qui est
sapientum ignis, humidus scilicet & obscurus: qui ignis est calidus in primo
gradu & humidus in secundo. De isto calore omnes locuti sunt philosophi
sub verbis erroris & metaphoricis: Vnde assimilauerunt eum calori Solis, &
calori naturali hominis sani. Dicit enim Mesig, Calore Solis res congelatur:
Vnde decipiuntur insipientes qui vtuntur ignibus diuersis, non intelligentes
verba philosophorum, scilicet ignorantes quòd generationes & procreatio¬
nes rerum naturalium habent solùm fieri per calorem temperatissimum & ae¬
qualem, & non supra excedentem.
Modus Mistionis.
Visis principijs naturalibus huius rei, subsequenter videndum est de modo
mistionis seu conceptionis eorum adinuicem. Est autem sciendum quòd
V 3