575
DE SALE ALCHALI 259
omnes partium salis superfluitates in suo regimine: deinde extrahe & cola uici¬
bus tribus, & per unamquanque colationem dimitte per diem unum, ut faex eius
resideat: deinde post tres uices colaturam accipe, & pone in caldario paruo haben¬
te tria foramina, uel quatuor in cooperculo optime stagnato: deinde accipe duas
maneries scilicet album & uiride unumquodque per se, & tere, & sic in furno pone
ad desiccandum, & solue iterum in duplo sui de aqua dulci, id est, de aqua putei, &
perone sub fimo duobus diebus: deinde cola & congela, & sic tribus uicibus facies:
deinde solue in uiscere, id est, in ampulla, sub fimo pone per diem unum, & sic sol¬
ue: deinde distilla semel, & proijce faeces, & congela, & si non uis ipsum congela¬
re, reconde aquam quàm soluisti sub fimo in uiscere, & distilla. Nota ad similitu¬
dinem, quòd de Luna fit sal alchali hoc modo. R. Lunam in laminas, & pone
in uno crucibulo, & claude bene uas ne exhalet, & pone in furno reuerberatio¬
nis, & fac stare in igne 24. diebus in bono igne, postea extrahe & fac puluerem,
istum puluerem pone in uase uitreo cum aqua communi, hoc est, cum aqua Mercu¬
rij testamentarij Raymundi de Lullio distillata ad alembicum uitreum, & bulliat tan¬
tùm quòd solùm tertia pars remaneat. istam partem distilla per filtrum, ut suprà:
postea congela, & ista congelatio est sal alchali, &c.
QVAESTIO AN LAPIS PHILOSOPHICVS VA¬
leat contra pestem.
Vtrum lapis philosophorum, si haberetur, ualeret contra morbum pestilentialem.
Et uidetur quòd non: quia si lapis philosophicus talem haberet uirtutem, utique
Reges & principes mundi, similiter & praelati ecclesiae Romanae, qui uehe¬
menter abhorrent morbum illum, & qui diuitijs affluunt, & penes se habent ua¬
lentissimos uiros medicos & philosophos naturales, deberent curare confici la¬
pidem illum, & uterentur eo pro se & amicis suis. Oppositum patet per Arnaldum
de Villanoua in penultimo sui Rosarij cap. ubi dicit: Sic etiam habet uirtutem effi¬
cacem super omnes alias medicorum medicinas omnem sanandi infirmitatem, tam
in calidis quàm in frigidis aegritudinibus, eo quòd est occultę & subtilis naturae
conseruat sanitatem, & roborat firmitatem & uirtutem: de sene facit iuuenem, &
omnem corporis expellit aegritudinem: uenenum declinat à corde, arterias hu¬
mectat, contenta in pulmone dissoluit, uulneratum consolidat, sanguinem mun¬
dificat, contenta in spiritualibus purgat, & ea munda seruat: & si aegritudo fue¬
rit unius mensis, sanat eam una die: si uerò fuerit aegritudo unius anni, sanat eam
duodecim diebus: si uerò morbus fuit antiquus ex longo tempore, sanat eum in
uno mense: unde non immeritò haec medicina super omnes alias medicinas & su¬
per mundi diuitias est perquirenda, quia qui habet ipsam, habet incomparabilem
thesaurum. Pro huius autem quaestionis decisione, multa sunt inquirenda: &
primò, quid causet morbum pestilentialem? an scilicet uenenum, an alia res? Ad
quod mihi uidetur esse respondendum, quòd uenenum potest dupliciter capi,
strictè, uel largè: strictè capiendo, nihil est uenenum, nisi quòd applicatum cor¬
pori humano aptum natum est ipsum taliter discrasiare seu alterare quòd mors
subsequitur. Large uerò capiendo, potest omne illud uocari uenenum, quod in¬
terficit, uel aptum natum est interficere corpus humanum, & sic quicquid indu¬
cit, uel aptum natum est inducere mortem, siue sit febris, siue dysenteria, siue hy¬
drops, siue lepra, siue quęcumque alia infirmitas ducens, uel apta nata ducere ad mor¬
tem, potest uacari uenenum. Quo pręmisso: sit ista propositio, Venenum, qualiter¬
cunqu; sumatur, siue strictè siue largè, causat interdum morbum pestilentialem: appa¬
ret, quia si strictè capiatur, contingit quandoque hominem infici per flatum alterius ho¬
minis infecti, uel per uestium infectarum odorem, uel per aërem circumstantem cor¬
ruptum. Si uerò largè capiatur uenenum, contingit interdum hominem nedum ab extrinse¬
co, sed etiam ab intrinseco, ut puta febre uel alia infirmitate infici peste, prout saepe
Y 4