575
CHRYSOPOEIAE LIB. I. 271
Iam potuere suis montes radicibus altos,
Inuitae auderent sacra in penetralia terrae
Tendere, scrutarique piae secreta parentis.
Adde, quòd in varias mutari corpora formas
Natura haud patitur: neque.n.velocis equi bos
Induerit speciem piger, aut Parnasia laurus
In se Chaoniam poterit conuertere quercum.
Nec magis aes puro se commutauerit auro,
Quàm si quodque etiam queat à quocumque creari.
Haec sunt quae caelo missam diuinitùs artem
Conantur frustra indicijs tenuare pusillis.
At neque scire opus est (quanquam hęc sit noscere pulchrum
Quae quibus extiterint gignedis vltima rebus
Principia, aut quali fuerint ea lance recepta
In numerum & pondus: neque enim si farrea tractes
Semina, constituant quae far primordia quaeras,
Quaue ea conueniant mensura & pondere farri.
Farra sed ipsa putri mandabis codita terrae, &
Virtutem latitantem intus seseque mouentem
Irritans tantum, naturae caetera linques.
Nec longinqua adeò spatiosi temporis aetas
Conuenit huic operi, uires quod promit ab auro,
Ac non principijs è primis conficit aurum.
Quid si nobilius quoddam, quod praestet & ipsi
Auro, contendant propriò molimine summi
Perficere artifices? aptè cui nomen Elixir
Experti fecere Arabes, uerique dedêre
Indicium: id quoniam in melis quodcumque metallum
Ducit, & infectum mira depurat ab arte.
Sic neque spectandus nobis locus ille, calorque:
Quo calet inclusum semen genitale metalli
Quique diu fertur specubus tellure sub alta,
Ast aiio prorsum ducendi tramite gressus
Naturae pariter secessus inter & artis,
Qua simul ad metam prospectans vtraque ducit.
Denique nec speciem verti tunc arte putaris,
Aere, vel argento duci si videris aurum,
Sed priuum hoc priuo fieri ex aere atque argento
Aurum credideris, veluti si farris in agro
Infelix lolium e steriles nascantur auenae.
Aut si fortè boum videas per viscera toto
Stridere apes vtero & ruptis efferuere costis.
Aut vt plura sinu molli simul oua puellae
Ritè fouent, multo tenero sub pectore bombyx
Palpitat, & lecta nutritus fronde virentis
Dehinc mori, tenuis texto se velleris orbe
Implicat, ac tandem pedibus munitus & alis
Papilio de verme pedes volitansque recedit.
Quid si cuncta etiam sint vni subdita formae,
Quę specie vulgò perhibent differre metalla?
E quibus extiterit quodcunque impurius, atque
Sordibus infectum terrestribus, exuet omnem
Arte luem citius, purumque nitescet in aurum.
Atque ideo haud scire opus est, quib. abdita terris,
Et quibus è causis sunt, & quot sorte metalla,
Qua variè primo fuerint distincta sub ortu.
Sed quis in arcanos terrae descendat hiatus?
Quisue referre pedem possit loca tetra remensus
Veridicóue queat fari quę viderit ore?
Vos Musae, quas nosse decens & dicere par est
Omnia, vos diuae nulli memorata priorum
Dicite, sic vobis ipse aurea vasa sacerdos
Prima feram, aeternum sic aurea carmina durent.
Lynceus, vt fama est, visu praelatus acuto
Omnibus, è summo Siculi qui culmine montis
Poenorum in portus oculo contendere posset,
Et numerare etiam versantis littore puppes.
Hic simul oppositas moles, simul edita faxa
Inserta montes acie penetrabat ad imos,
Altaque secretae spectabat viscera terrae,
Aëra per purum veluti, vitreasue per vndas
Aut liquida quondam crystallo missa videmus
Spectra, quibus rerum nobis respondet imago.
O quoties patrij residens sub rupe Pachyni
Trinacriamque omnem suprà speculatus & infrà
Aetnei causas ignis motusque videbat.
Qui simulac tanta vi se procul omnia sensit
Cernere, non vltrà cunctandi certus, & altè
Prouidus, externas animum conuertit ad oras.
Ergo ratem certa plenus spe magna videndi
Conscendit, pelagique deos in vota salutat.
Sicanio verùm portu vix soluerat, ecce
Cum fera tempestas caelique marisque legentem
Graiorum ob portus, Epyri vertit ad vrbes.
Hanc Arethusa illi Nymphas hortata marinas
Immisit, Nymphisque etiam adnitentibus ipsis
Et totum ex imo passim miscentibus ęquor,
Nanque illas metus in thalamis ne fortè videri
Aequoreis possent inuaserat aequus, & omnis
Tum chorus obscura septum caligine caelum
Texerat, ac noctem nautis obduxerat atram.
Hinc ille aerij properans it proxima Pindi
Culmina spectatum, nec longum tempus, & omnis
Interis Rhodopes, Hemi, Tomarique cauernas
Fontibus irrigui centum procul inde videbat,
Oraque cernebat terrae penetralia centum.
Quin Pindo exoriens aderat Achelous ab ipsis
Sedib. ante oculos & ab imo viscere lynceo,
Altera qui longo retinet taurina recessu
Cornua, seque altè exporgens immensa per antra
Occulit Herculeae metuentem verbera clauę.
Ille etiam lento praecelsa Ceraunia passu.
Circuit, & visu simul interiora petiuit
Omnia, mox Graiae varijs in montibus orae
Consedit, penitusque cauis rimatus inhaesit
Obtutu specubus, mirandaque plurima primus
Vidit, & hęc eadem nobis memoranda reliquit:
Quae dum alijs ad nos olim delata vicissim
Prodimus, ante omnes haec intrò prorsus ab illis
Spectari cupimus, quibus alto in pectore Pallas
Insidet, atque illic scitu pulcherrima versat.
Principiò locus & sedes decreta metallis
Gignendis, terrae est imum atque immobile viscus
Marmoreae in morem paterae sub montib. altis
Excisum, velutique cauo sub fornice clausum,
Quo Solis radij penetrant, crebrique feruntur
Siderei innumeris etiam fulgoribus ignes,
Collectumque coquunt humorem, ac iugibus inde
Saxa per & rimas loca cuncta vaporibus explent.
Aft vbi continuum passus vapor ille calorem
Z