575
272 IOANNIS AVR. AVGVRELLI
Consedit, nec iam secreta per antra volutus
Amplius, imensos post tandem induruit annos,
Haeret in expletis venis informe metallum.
Namque liquor partes terrae dispersus in omnis,
Et tenuis mixtus tenui, lentoque calore
Compositus, quondam fuginens & pinguis & uncto
Exijt è uasti fundo crateris ab imo,
Sulphura ubi argento feruent immista perenni,
Argento fluere insigni, uitamque per aeuum.
Ducere, queis primis gignuntur multa duobo.
Hoc matris, patris illud enim uim continet, huius
Suscipere, illius pars est praebere calorem.
Hinc fului species auri pulcherrima fulget:
Hinc nitet argenti candor, rubet aerea uena,
Ferrea nigrescit sub apertum, plumbea pallet:
Albicat at stanni facies imitata colorem.
Argenti, pondusque ferens, ni strideret, aequum.
In primis igitur cupidis mortalibus aurum
Quaeritur ingentis inter uariosque labores,
Perque laborantis manifesta pericula uitae.
Namque ferunt Indos, regio qua uergit in Arcton,
Tendere furatum cumulos, quos eggerit auri
Formicarum ingens manus: at non segniter illas
Exire, ac contra stare, & fugientia passim
Vnguibus & rostris lacerare, & figere terga,
Aufugiat quamuis celeri gens illa camelo.
Nec minus aut scrobibus curae, uastísue ruinis
Hesperij impendunt, si quando è montibus aurum
Eruerint: neque enim nunc quę ramenta ferantur
Fulua Tago, expediam, sed quae maioribus illi
Substineant subiecta laboribus, atque periclis
Innumeris, & quae uincant opera ipsa gigantum.
Nam steriles magno primum conamine montes
Excindunt, penitusque petunt, qua nulla dabatur
Semita, per cuneos accensis uiscera lychnis.
Atque imas nulla phoebi sub luce cauernas
Noctes atque dies penetrant, omnique recessu
Explorant aditus, humerisque excissa uicissim
Exportant, traduntque alijs logo ordine primi
Per tenebras, donec lucem qui percipit unus
Eggerat extrema pondus ceruice receptum.
Ast illos praedura silex si fortè moretur,
Qualis iam Poeno rupes sese obtulit hosti,
Dum ferus aerias in nos transcenderet alpes,
Haec igni excoquitur tunc, & mollitur aceto:
Voluitur at picea circum caligine fumus,
Et miseris latitans compresso spiritus ore
Obstruitur, uitamque operae sub fasce relinquunt:
Atque ideo cędunt ingenti pondere ferri,
Et uacuos summae reserant telluris hiatus,
Qua uapor inclusus cuneis exhalet apertis.
Nec mora, nec requies, quoin multo fornice montem
Substineant totum, cum iam maiore peracta
Parte operis, caedunt extremae fornicis arcus:
Et rima signa praebent, quam peruigil vnus
Aerio montis residens in culmine sentit.
Hic ictu, aut clara reuocari voce repente
Cùm famulis iubet artifices, ac deuolat ipse
Protinus, ingenti strepitu longoque fragore
Mons cadit, humana nequeat qui mente referri
Conceptus, quantumque obtusas occupet aures
Aut incredibili quam compleat omnia flatu.
Illi naturae gaudent spectare ruinam
Victores, neque adhuc illinc educitur aurum:
Nec sciuere etiam tum, cum fodere, uel ante
Esse, sed una illos ad tanta pericula duxit
Spes inuictam omnis per casus, perque labores.
Sed quid in his tantum morer? aut qui mira supersunt
Praeteream? nihilo cum sint his fortè minora.
Est deinceps aliud fessis studiumque labosque:
Quo tantam expurgent immisso fonte ruinam,
Iamque igitur summo praecelsi è vertice motis,
Qui reliquos longè superet, centesimus etsi
Separet hunc lapis, huc immissa canalibus ampla
Flumina deducunt tanto currentia tractu
Desertas inter valles, perque inuia saxa,
Rupibus excisss, trabibusque inserta cauatis.
Ergo omnis vario concursu protinus vnda
In mare colligitur vastum, quo deinde recluso
Erumpit tanta ui torrens, omnia secum
Vt trahat, ac latum terrae prouoluat in aequor.
Excipitur tendens varijs hic denique fossis,
Quas illi passimque cauant, sternuntque gradatim.
Est Vlex asperque frutex rorisque marini
Persimilis, retinet crebris qui stirpibus aurum,
Propterea includunt tabulis latera omnia, & ipsis
Altè suspensis ita, per praerupta canali
In pelagus tendunt vda è tellure lacunę:
Quod superest, ramis innectitur vlicis aurum.
Nec labor ille etiam tenuis, cum flumina tentant,
Et grauibus dites cribris agitantur harenae,
Aut operosum aequè quicqui quis proferat? vt cum
Effossis altè puteis quaecunque latenti
Eruerint penitus fundo, tunduntque lauantque,
Vruntque, in tenuemque molunt diducta farinam.
Hi quoque iam fuerant Italis quandoque labores
Flumina per, puteosue etiam, montisue ruinas,
Itala dum patuit priscis exercita tellus.
Cui pòst pia lege in terdicta pepercit
Auri sacra fames: neque enim exhaurire metalla
Italiae, parca & prudens est passa vetustas.
Nec foret hac etiam regio foecundior ulla,
Quaeue magis flueret venis nunc iugiter auri,
Ipsa diu cum tot fuerit non hausta per annos,
Si non mortales inter discordia, si non
Mars eat hos inter vexans immania corda:
Sed contra ditare orbem si regibus vna
Cura sit, & populis ditato fungier orbe,
Pacis opus, qua cuncta vigent inuenta per artes
Ingenuis aptas animis quas inter haberi
Non imo dignata loco fortasse putanda est
Ipsa haec, quae grauidę scrutatur viscera terrae,
Diues vbi pateat latebris auaritia caecis.
Hac etenim reliquis preciosius arte metallum
Eruitur, meritoque id cunctis nomine praestat.
Seu color inspicitur gratus, quo sidera fulgent,
Seu lentus facilisque tenor, quo cedit in omnis
Partes, seu pondus rerum superabile nulli
Penditur, aut vni quoniam nil deperit auro
Igne, velut solum consumit nulla vetustas,
Ac