575
CHRYSOPOEIAE LIB. II. 275
IOANNIS AVRELII
AVGVRELLI CHRYSOPOEIAE
LIBER SECVNDVS.
Hactenus auriferam secretae Palla¬
dis artem
Inuentam humana quondam uir¬
tute coegit
Credere nunc ratio, nunc experientia suasit.
Iamque ea quid possit, quo prudens tendere pargat,
Hic canere incipiam, dextro modo numine Phoebi
Difficiles adeo factu, dictuque per artes
Ingrediar, uerbis addens & rebus honorem.
Tuque ades ò cultum Musis & Apolline pectus
Ante alios olim cunctos diuine Poëta,
Quo duce secretum per iter procedere tantum
Ipse queam, ut propius Pimplei culmina cernens
Alta iugi, ne quo interea per deuia ducar.
Illuc nanque animus certa spe ductus anhelat,
Et fidit gradibus crescentis scandere famae,
Nulla aeui quam longa queat delere uetustas.
In primis niueo sparsus candore lapillus
Quaeritur, aut longo contritus tempore puluis
E niueo in liquidum uersus candore ruborem.
Illius infecto tenuis pars mista metallo
Inserit argenti subito, mirabile, pondus
Et speciem, uel si argento fit proxima uiuo:
Dedocet hoc fungi liquenti immobile uita.
At rubor ipso etiam puluis preciosior auro
Quodcunque ex illis primum calefeceris igni,
Vertet in immensum pondus tibi protinus auri.
Atque ideò artifici majus nihil esse putato,
Quam quibus è primis opus id componere possit:
Noscere, quaeue prius capiat circumque laboret.
Mox ut naturae se tum praebere ministrum
Sentiat, exemptum latebris cum nobile semen
Proferet in lucem solers, iterumque tenebris
Reddet, & occulta seruatum pyxide claudet.
Cumque alimenta putri sensim dabit humida massę,
Agricola ut quondam telluri semine iacto
Spargit rore leui tantùm sitientia culta.
Nec minus interea tepidum cum suggeret ignem,
Et genitalem intus uim ui subeunte fouebit:
Vt calor interius solet exteriore iuuari,
Ac stomacho praetenta manus praestare uigorem
Vt ualet, utque aegri uires releuare caducas
Apposita exterius possunt fomenta medentum.
Nec uarias specie res admiscebit, & uni
Quodcumque obstiterit iunctum, procul inde movebit
O tardas adeò mentes, assuetaque falli
Artificum uario rerum per inania ductu
Pectora, cum duris quid mollia uina metallis?
Apta epulis, atque apta bibi suauissima uina.
Quid leuis humano missus de corpere sanguis?
Quid lapsi è rosea flaui ceruice capilli?
Qua quid? & lectae summis in montibus herbae
Conueniunt imis fosso sub montibus auro?
Hic tamen expressam praelis torquentibus uuam
Accipit, & phialae postrema in parte reponit:
Cuius in extremo rostrum connectitur ore.
Hanc super ignitos cineres candente camino:
Aut super undosum laticem feruentis Aeni
Collocat, at tenuis fertur uapor into, & hęrens
Alta petit, leuiusque liquens it fusus in undas:
Ardentemque uocant Lympham uitaeque liquorem:
Vitrea quem raris effundit fistula guttis.
Hic ergo ut multis uicibus stillauerit, unà
Collectus uarios tandem seruatur in usus,
Praecipuè uerò, modico lentescat ut igne,
Siue fimo incoctus nulla non arte tepenti.
Fingitur oblongo uitreumuas ductile collo:
Bina unde, exiles uelut ansae, brachia pendent
Concaua, quae uentrem uasis flectuntur ad imum.
Hic igitur liquor inclusus cum summa per ora
Fertur, continuò binas inclinat in aures,
Ingreditur, repetitque iterum, quas liquerat imo
Fundo feruenteis lymphas, iterumque refertur
Ad supera, atque leuis nusquamue quietus eandem
Itque reditque uiam toties, & mobilis idem
Ipse in se sua per uestigia confluit humor,
Donec paulatim niueam densetur in offam.
Tenuibus haec tandem lamnis componitur auri
Et coquitur lento forsan, longoque calore.
Verum hócne, ánne alio quouis ea denique pacto
Commiscent (namque hoc haud est exquirere nostrum)
Incassum cuncta exercent, frustraque laborant.
Nam specie diuersa simul dum iungere curant,
Altera ut impediant primo mox altera motu,
Efficiunt, ullo ne possint tempore quicquam
Edere, quod per se natura constet & unum.
Nanque ita principio statuas cuncta esse sub una
Re, quib. hic opus est, nihil ut quaesiueris extra,
Praecipuè humorem, qui sese iugis abundè
Sufficit, atque intus seruat, dum prodeat illud
Quod cupis, & gigni tanto conamine certas.
Quinetiam duplice scito uim intrinsecus esse,
Et quae semper agat, & quae patiatur, ut una
Foemina, masque agitent, ueluti cum pullus in ouo
Crescit agente quidem hoc, atque hoc patiente uicissim
Exterius tantu miti atque fouente calore
Adiutus, neque tu quid conuenientius ullum
Exemplo hoc credas, neque quod me iudice semper
Acrius inspectes, atque ad quod cuncta reducas.
Ast alius puro uarias de sanguine parteis
Elicit, atque adeò ductas elementa uocare
Instituit, tanquam possint ea fortè uideri.
Simplicia, aut tangi manibus, secreta uel usquam
Esse, uel includi quoquam, quin protins omne
Vas penetrent, duro quamuis Adamante peractum
Id fuerit, simplex neque enim consistere corpus
Parte potest orbis uasti uiolenter in ulla,
Sed propria tantùm gaudens in sede quiescit.
Sic saepe ex alijs rebus, sic saepe seorsum
Quatuor è tonsis ponunt elementa capillis.
At non sic natura potens haec segregat unquam,
Sed miscet potius simul, & confundit eodem
Frigida commutans calidis, humentia siccis,
Atque ita corrumpit solidum, neque diuidit ullas