575
CHRYSOPOEIAE LIB. I. 277
Ipsa hęc contendunt manifestis omnia signis.
Nec uirides etiam fas hîc transire Smaragdos
Indictos, neque enim color est iucundior ullus,
Quàm quo se tellus horis genitalibus anni
Vestit, & ostentat uultu meliore uirentem.
At mage nil uiret his, nihil est quod compleatęquè
Contuitu his oculos, satiet minus, ipsaque multo
Obscurata acies intentu protinus ipso
Aspectu uiridis claret recreata Smaragdi.
Fulgurat ut picto uiola Carbunculus igne
Mox etiam canerem, uariusque ut fulget laspis.
Concolor & fuluo radiat Topatios auro.
Innumerasque alias specie, uel nomine tantùm
Diuersas coepto memorarem carmine gemmas.
Verum hęc iam satis est leuiter tetigisse uagantem,
Atque alijs monstrasse uiam, qua tendere pergant,
Si quos fortè iuuat naturae occulta subisse,
Haec eademque palàm dulci fecisse Camoena.
Nunc age materiam, tantae quàm praestitit arti
Natura, expediam, ne quis perferre labores
Incassum studeat tantos, sed grandia uitet
Detrimenta, quibus uesani saepe tenentur
Artifices, longe primis dum rebus aberrant,
Quas capere, ac solas illos seruare decebat.
Est lucus summo secreti in uerticè montis,
Fons ubi decurrit nitidis argenteus undis,
Et specus exesum tendens aperitur in antrum.
Intus habet praestans diuino numine Virgo,
Ruricolae Glauram prisco quam nomine dicunt.
Huc densos inter uepres angustus & asper
Accliuisque aegrè perducit callis euntem.
Vestibulum ante ipsum speluncae laeuis & ęquà
Planicies, non ampla tamen, horrentibus umbris
Cingitur, ac fluuij ripis, & margine Tophi,
Obducta uiridi musco spissisque Corymbis,
Ingreditur uerò siquis feliciter, omnem
Continuò labem humanam, mirabile dictu,
Exuit, ac pondus subito mortale relinquit,
Et purus penitusque leuis fit spiritus illi,
Quique aditus lustret cunctos, agilisque feratur
Per cuneos, quib. in medijs sedet aurea Nympha
Aures & circu thalams: supraque renidet,
Quin auri tabulae pedibus calcantur euntum,
Atque ipsa ex auro splendet conflata supellex.
Taruisijs: ne qua titubes in montibus antrum
Hoc pete, qui rebus tantis primordia quaeris,
Quodque illic uisum fuerit preciosius, inde
Erue, nec sumptu nimio, nec parce labori.
Non tamen aut uiuum sulphur, tremulumue repones
Argentum, uel quae undanti delata uapore
Exit ab his primum putrisque infectaque uena.
Sed purum atque omni purgatum sorde metallum
Accipies, cuius secreta in parte recessit
Spiritus, & crassa pressus sub mole latenter
Victitat, ac solui uinclis, & carcere caeco
Emitti expectat tenues effusus in auras.
Quaeque erat innato subsidens pondere moles,
Iam leuis assensu superas contendat in oras,
Duraque mollescat naturam imitata per artem
Eximiam, retro quae per consueta reuerti
Imperat, ut longo sesè forpore recludatur
Inclusum semen, uegetantis more, nec intus
Ardua constantis metuat iam uincula massae.
Quod tibi ne inirum ualeat quandoque uideri,
Pullulat interdum proprij uirtute uigoris
Auri perpetuum germen, ferturque sub auras,
Non secus ac summa fruticis tellure cacumen
Exit, & inde sua ui sese extollit, vt Istri
Accola felicis saepe illud stirpibus haerens
Capreoli in morem nati circundare truncos,
Implicitumque etiam saxis inuenit obesis.
Vtque agiles serpunt ederae, lateque pererrant
Amplexae lateres circum, pariesque fatiscit
Dirutus, ingressis rimas radicibus, atque
Frondibus, ac prętergressis latera obuia ramis:
Sic Topho inseritur crescentis uiuidus auri
Surculus, atque intus partis explorat inanes,
Egrediturque illinc, & se diffundit in auras,
Aut uariè illius summas complectitur oras,
Quasque tenet solidè conspersas purus inaurat,
Hinc duo praecipuè, quae uerset cura probati
Artificis, statuo quid primum seligat, & quo
Selectum pacto moderetur, & aptius edat,
Quo possit modico solui lentoque calore.
Vtrumque innumeris prisci inuoluêre tenebris,
Barbaraque occultis rebus coniungere uerba
Haud dubij, centum statuerunt nomina, quorum
Quodcunque incertam signaret remque, modumque,
Multaque quae lepidi quondam finxere Poëtae,
Quaeque sacrorum olim ueri uox nuncia Vatum
Protulit, his etiam uice sunt interpretis usi,
Singulaque exposuere, atque inseruere libellis
Ipsa suis patefacta, uelut caelantia pridem
Artis opus tantae, cum porrò uana Poëtae
Figmenta illecebris uacuas captantia mentes
Commenti, multo fuerint diuersa loquuti.
Qui uerò incomprehensum & inenarrabile munus
Diuinae humanas aduentum prolis ad oras
Pręfati, haudquaquam parua hęc sensere sub ingens
Os illud tam magna sonans mysteria Vates.
Haec tamen, haud nullis nostri suadentibus ausi,
Vel quòd eos ea uana fides tenuisse putandum est
Vel sua quòd uarijs iuuit caelasse figuris.
Quin etiam huic uni, quo se mollire metalla
Inuenere modo, cunctarum nomina rerum
Imposuere, quòd haec cunctis uis insita rebus
Haereat, incipiatque omnes, & compleat una.
Cuncta adeo cunctis occultauere, neque illi
Nequicquam interdum seriem abrupere loquendo
Perpetem, & excursus interposuere uacantis.
Ergo altè uestigia animis, & rite repertam
Materiam rebus tantis per deuia sume.
Nam non una tibi regio dabit, aut locus unus.
Montibus at multae spaciantur Oreades altis,
Antra quibus cura est seruare, ingentiaque intus
Munera, iam quorum uenientes saepe remittunt
Participes, manibus puris & pectore si qui
Accessere illuc, dites ubi pectine eburno
Aurea perpetuo depectunt uellera Nymphae,
Quae prima heroum pubes rate sancta petiuit,
Aa