575
CHRYSOPOEIAE LIB. II. 279
Ac ueluti modicus, si fortè coagula desint,
Caseus extemplo lympha resolutus & igni
Adstringit plena liquidi mulctraria lactis:
Cogit & alterius lac in se uertere formam.
Sic argenta sacer puluis liquentia sistet
Sidereaque auri specie donabit, ut omni
Praestent, & nullo prorsus superentur ab auro.
Ipse etiam augetur puluis, ne fortè labores,
Neue iteres opus expletum semel, addere summam
Vim licet, ut minimus tuum puluis denique uiui
Immensam argenti ualeat couertere molem.
Seu leuis & nulla demum non parte solutus
Spiritus ingreditur longa in penetralia densi
Corporis, & toto penitus se uiscere miscet.
Seu potius longo concoctus tempore puluis,
Compressusque diu, multumque & saepe reductus
In sese, proprium cogit densetque uigorem.
Vtque Croci exiguus pura flos sparsus in unda
Immodicum grato diffundit odore colorem,
Plurima sic agitans contracto in puluere uirtus
Obuia percurrit liquidi loca cuncta Metalli.
Seu nulla hîc ratio est hominum dephensa sagaci
Ingenio, quare uis paruo in semine tanta est.
Herculei neque enim lapidis si fortè requiras
Inuenies causam, qua ferrea uincula nectat,
Et trahat abiuncti pondus per inania ferri.
Nec mins unde regat nautas, & uergat ad Arctom
Spectantes parua clausum sub pyxide sidus.
Multa tetigit sacro inuolucro Natura, neque ullis
Fas est scire quidem mortalibus omnia, multa
Admirare modo, necnon uenerare, neque illa
Inquires, quae sunt arcanis proxima, nanque
In manib. quae sunt haec nos uix scire putandum,
Est procul à nobis adeò praesentia ueri.
Ne tamen haud speres artem perdiscere posse
Difficilem, atque alijs grauiorem, percipe iam nunc
Quae dicam, & posthac alta tibi mente reserua.
Quae sciri poterunt, ea primùm sola putabis
Cognoscenda tibi, dehinc ordine cętera disces.
In primis etenim rerum cognoscere Causas.
Ne dubita, nam saepe ferunt quaerentibus illae
Sese ultro faciles, si quem uia recta reducat
Continuis ad se gradibus, nec sistere detur
Ante illi, quàm se thalamo concludere possit
Quo se maiestas ueri ueneranda receptat.
Illic quae fuerint fingendis prima Metallis.
Semina uisuntur, quaeune his coctura serendis
Diuersas adeo coniunxerit ultima formas.
Nec minus apparet ratio qua posse Metalla
Ipsa uices praepere suas, alienaque ferre
Imperia, aspicitur, necnon e gignere, si qua
Ars iuuet, atque manuum Naturae porrigat alinę.
Quin etiam ut sensim madeant, & mollia perstent,
Magnum opus, & quo non credas operosius ullum
Esse aliud, nec quo magis ars se maxima iactet
Praeterea haud aberit longè, quin cętera de te
Percipias ipso, nam uinclo iuncta tenentur
Cuncta uno, hincque modus lenti deprehenditur ignis
Et locs, atque deces lapidis mensura futuri,
Et color optato uariè sub puluere fusus,
Quoque modo augendus, deerit forsitan ante
Conditus, & multo durarit tempore puluis.
Omnia quae laeto passim tibi certa patebunt,
Si rerum seriem longo seruaueris usu.
Et quandoque probus non dedignabere forsan
His equidem dignas meritis persoluere grates,
Qui procul ignari linquens ludibria uulgi
Nunc iter ingrederis nobis ducentibus arctum
Vsqueadeò, ut paucos capiat, paucosque remittat
Incolumes, crebris laceros quin uepribus omnes
Id referat, nisi quos alta sub rupe relinquit
Errantes caecis in flexibus, unde nec ipsi
Se unquam, mortalisue mans miserata referret.
Sed tu ne dubites sinuosa errare per antra,
Caeca reges filo uestigia, quod tibi nuper
Ostendi, ut tutus ferres tutusque referres
Ipse pedem, quòd si finem assequerêre beatus
Optatum, Diuis ageretur gratia primum,
Deinde mihi meritò: tibi qui praesentibus illis
Consului, uerùm si non contingere metam
Fortè darent superi, coeptum sed sistere cursum
Esset opus, casu quo saepe humana laborat.
Conditio, at saltem falsi mendacia uulgi
Exagitans, alios errantes cernere possis
Illud sępe etiam in primis, iterumque monebo,
Ne, si rara tibi contingat gratia caelo:
Janque aliunde sibi nemo sperauerit, ulli
Hanc uix insinues caro fidoue sodali.
Nedum alijs reseres, ea nec te noscere iactes,
Quae scieris, uerum secreto in pectore seruans
Tecum habita, & tecum tantum ipsa arcana reuolue,
Nam suspecta probis ars ipsa inuisaque multis.
Inuisos etiam cultores efficit artis,
Mendaces adeò multi quacunque uagantur,
Multaque polliciti uanè, quae multa nec ipsi
Resciuere, neque est illis ea noscere promptum,
Qui recta, quae nos ducit uia, prorsus aberrant.
Multos quinetiam insignes, & caetera doctos
Vidi cuncta equidem tractare, & pendere magni,
Quęcunque ignarum probat ac ignobile Vulgus.
Quid? qui derident omnis, quae maxima turba est,
Artifices, tanquam nihil hos intersit & illos,
Atque uno pariter pendunt examine cunctos.
Sunt qui saepe petant, quae nam sit causa quod usquam
Aut unquam tantos inter, qui talia curant,
Apparet nemo, qui re miracula tanta
Coprobet, idcirco nullam, quam dicimus, artem
Esse, sed ingentis nugas, & inania mentis
Insanae commenta sibi manifesta uideri.
Sed quis tam fragili munitus robore pectus
Non queat haec ulli nunquam reseranda tacere?
Nam quem non prohibet rerum prudentia fari,
Quae sibi continuò, fuerint cum dicta, nocebunt?
Tutus ab insidijs qua se uirtute tueri
Posset, qui prae se ferret, se condere paruo
Diuitias loculo ingentes, quib. undique regum
Et regna assurgunt, & opes, opulentaque cedunt
Omnia, tanquam illis sint unis quaeque minora.
Thesauros igitur tantos componere siquis
Iam potuit, mirè sub amica silentia seruat,
Aa 2