575
CHRYSOPOEIAE LIB. III. 281
Et uelut huic tantùm studiosè deditus instet,
Semina nunc olerum properanti seligat ungue:
Nunc eadem excultae telluri condita mandet,
Mox animum, atque oculos pascat florentibus herbis
Huc etiam interdum dulceis admittat amicos,
Dissimuletque, domi quid agat, gratoque sodales
Detineat lusu captos, suauique lepôre.
Interea non ille tamen cessare calorem
Occultum sinat, Aurigerum si fortè locarit
Semen, ubi proprios aeui iam compleat orbes.
Aut si id continuoque igni, multoque labore
Abstrusum in venis auri perquirere tentet.
Atque ideo haud ab re fuerit, quaesisse fidelem
Muneris egregij socium, longique laboris,
Interiore domus se qui tum parte recondat,
Inque uicem partitus onus curanda ministret.
Est etiam non illa quidem postrema beati
Artificis ratio, qua se commendet, & ipsum
Dijs ops ęternis, neque enim sine numine diuum
Hęc ueniut, neque ad hęc ulli adispirare licebit,
Qui non ritè deos studuit sibi adesse precando.
Ipse ego, qui tantùm haec tenui nunc carmine tento
Pandere, ter Musis feci pia uota, precesque
Intendi manibus supplex, & pectore puro,
Vnde mihi insolitum caelo adspirare fauorem,
Paulatimque nouas in carmina surgere uires
Sentio perque altos colleis, atque auia ferri
Per nemora incertus uideor, ducor sed auenti
Mente tamen, quo fata ferunt, ut prims amoeno
Ex Helicone sacra referam mihi fronde coronam,
Primus & Aonijs intextam floribus Aram,
Quae mihi cum fuerit teneris erecta sub annis
Et Phoebo, Phoebique choro, Genioque potenti,
Stat inaris Adriaci secreto in littore ducta
Ad culmen, placidis qua fertur Ariminus undis
Aut rapitur torrens uastum uiolentus in ęquor,
Inclyta dum subter pontis monumenta uetusti
Praeterit, & dulcis undas permiscet amaris.
Propterea inceptas artis, operumque labores
Prosequar indictos prius, & fumantia circum
Tecta ferar Diuûm, tenues qui follibus auras
Captant, & liquido distendunt aere caminos,
Et iam Cyclopum fremitus audire uidemur
Cominus ingentes, caelumque incudibus actum
Murmurat, & longo Chalybum stridore liquentum
Insolitisque mihi resonat mugitibus Aetna.
Seu quis sementem faciendi quaeritat Auri,
Seu prius Argenti rectè primordia poscit,
Nosse gradus primum uarios ne spreuerit ignis.
Sunt plures etenim, per quos procedat, oportet.
Sed duo praecipuè, Naturae est aemulus alter
Tranquillae, ast alter uiolentae conuenit arti.
Nititur hic operum immensa ui trudere semen
E solido innexum miris campagibus Auro,
Cum prius, ut tibi mox reserabo, solueris aurum,
Reddiderisque humens, necnon & putre, subactumque
Vt facilè id ualido demum patiatur ab igne
Exhaletque tumens, atque in sublime feratur.
Exemptum fouet ille, nec excedentis adurit
Tum uirtute caloris opus, frigere nec ante
Permittit, quàm se mirè componat, & ante,
Quàm sese propria perfectum sponte reponat.
Hîc mihi composita dedatur mente Minister
Magna etenim referam primum, tum plurima fando
Commods expediam, quę prisca & barbara turba
Subticuit, quaeue ipsam etiam celasse uolentem
Crediderim, aut uerbis nescisse potentius uti.
Haec ideo lingua nunc illustrare Latinorum
Ausus, quinetiam numeros his addere conor,
Grata magis doctas ueniant ut missa per aures.
In primis auri lamnas, ramentaue puri
Accipiens, crebris contundes ictibus, atque
Pulueris in morem triti, aut fluuialis arenae
Diminues, longumque teres, quo denique putri
Humore ex sese interius resoluta liquescant.
Proderit huc etiam largos infundere rores
Seminis interdum proprij, ne fortè alienum,
Vt docui supra, quicquam miscere labores.
Ni quòd multa queat conectere, forsitam addas
Quodue etiam sparsum rebus communiter insit:
Nam simili gaudere suo simile omne putato,
Atque etiam exterius simili quodcunque iuuari,
Praesertim cum naturam natura requirat,
Atque amplexa parem contraria cuncta recuset.
Sic quoque non digitis, aut plectro pulsa, mouetur
Forte fidis, tanquam fidibus tunc assonet ictis
Ipsa, quibus fuerit concordi consona uoce,
In cunctis adeò rerum cocordia pollet.
Quare id ne pigeat, quodcumque est, quęrere compar,
Aut ubicunque latet, seu montib. abditur imis
Vel maris eruitur scopulis, aut fontib. haeret
In medijs, alto uel se producit olympo,
Seu quacunque patet, seu parte abscoditur omni.
Quicquid id est, totoue orbis se corpere miscet,
Cuius praeualida tam compacta resoluas.
Ergo ubi iam humescent, angusti uasis in alto
Fundo compones ipsa haec non ordine nullo,
Nanque per aequa tibi maneant dispansa necesse est,
Vt calor ex aequo penetrans per cuncta feratur
Vnus, & ex omni compellat parte uaporem.
Nunc, quibus exceptum rebus componere possis,
Instituam: Vas illud, ubi perferre calores
Immensos opus est aurum sic ritè peractum,
Est genus indomitae mirum telluris, Hiberus
Qua fossor uitreas Italûm transmittit ad artes.
Hac etenim argilla fictis uitrarius ollis
Vitra liquat feruens, eademque liquentia totas
Noctes atque dies longo depurat in igne.
Hanc igitur primùm creta compone tenaci,
Qua figulus currente rota surgentia profert
Vascula, & his pergit gratas inducere formas.
Est etiam Euganeis tellus in collibus atra,
Sulphurei ad fontes Aponi quà semita ducit.
Nec minus effossis puteis quandoque subalba
Eruitur, marmor referens persaepe uetustum.
Quas ut tu cunctas unà coniungere cures,
Est opus, atque adeo manibus miscere subinde,
Vnam quo pariter possis inducere massam.
Inde scyphi speciem oblongi simulantia finge
Pocula, queis etiam parua circundare zona
Aa 3