575
GERONTICON LIB. I. 287
Vos rata iam nutu facietis cuncta benigno.
Haec pręcor: at tu etiam supplex in vota pcesque
O iuuenis, quem mox superi ad maiora reservant,
Insinua temet diuinis, omnia quando
Ritè tibi sunt acta: deus namque omine certo
Annuit, & liquidis fulsere altaria flammis.
AD LEONEM X.
PONTIFICEM MAXIMUM ASCEN¬
sus primus ad Deum.
Iam multa mecum conor, &
voluo diu
Promissa si qua parte persol¬
ui queant,
Quae sancte quondam feceram
pater tibi,
Vbi occupatas detinebam paruulo
Aures libello forsitan ineptus tuas,
Arcana quanuis ederem illic Dedalae
Naturae, & artis praepotentis munera.
An non ineptè facere sum visus quidem?
Cum mira apud te illa fore tum confiderem
Vecors, videri cui potest mirum nihil,
Humanitatis cum supragressus modum
Humana pariter cuncta parui feceris
Statim, nec humile, imúmue cogitaueris
Quicquam, supremae sedis vt adisti gradus,
Diuumque inisti tantus in terris vicem.
Sed haec fuere. Nunc quod instat, pergimus
Tuo fauenti concitati numine
Ordiri, & ea, quae pollicebar, reddere,
Vt quimus, vtque spiritus caelo potens
Afflat pusillis. Tu serena videris
Haec mente suppliciter precamur, qua soles
Quae offeruntur cunque tibi, neque abnuas
Impendere mihi paululum interdum morae,
Haec donec intus intuens, inspexeris
An fortè rectà tendimus per arduum,
Quod nunc inimus hos ad ascensus, iter.
Non esse, secum dixit insanus, deum
Excorsque & impos mentis, expers consili,
Rationis, ac pietatis omnis indigens.
At esse sapiens mente primùm concipit,
Dehinc voce clamans splendida palàm facit
Non esse tantùm, sed potente dextera
Eum tenere, regereque, & nutu suo
Quae cuncta fecit, temperare, & omnibus
Adesse vbique, & imperare singulis.
Verùm haud leue est videre quos scandat
gradus:
Haec quisquis animo versat, & tendit supra
Id, quo potest nunquam vlla vis mortalium
Conata ferri, ni superna caelitus
Spirarit aura, ac illius nisi fauor
Praestò sit, ipsa cuius haec perquirimus
Dicenda, nullo non furore perciti.
Pauor tremorque, cui comes reuerentia,
Qua non sit alia maior, hinc & hinc premunt,
Nosque admonent sic paruulos, pondus graue
Et impar humeris haud subire. Verùm amor
Potens inaccessa olim facere peruia,
Cum spes fidesque prodeunt illi obuiam,
Hortatur, atque penè cogit ingredi
Orationis intimae latens iter.
Quid ergo agam tu mi impera deus meus,
Rex vnus omnium, ac herus solus mihi.
Iubésne domine? forsitan quidem iubes:
Nam non video vt aliunde spirari haec queant.
Experiar igitur, tu, precor, coeptis faue,
Volensque & adsis, & iubens praesis mihi,
Si nostra non superbit haec precatio.
Testantur opera te tua, enarrant poli
Tuam per orbem indesinenter gloriam.
Est nam quis adeò, cum superna suspicit,
Vecors rudisque? qui statim non cogitet,
Ac voluat ipse saepius secum stupens,
Quae, quantaque uideat, quibus vel orbibus
Ferantur illa, aut quas vicissitudines
Seruent ratorum consecuta temporum
Semper tenorem; legis haud casu datae
Iussu, sed vna aequante prouidentia
Cuncta haec benigno distributa munere.
Quis rursus orbis caeteras partes videns,
Interque versans, desinat mirarier
Terrae patentèm subiacentis ambitum?
Fusumque supra continenter aera,
Terraeque circum margines fusum mare?
Et quicquid haec exornat, atque in his simul
Vitam peragit, vt omne stirpium genus
Quaecunque se tollunt humo, & quę vestiunt
Telluris asmis aemulam gemmis cutim?
Vt multiformis ac vagans animantium
Proles per amplos sparsa tractus vndique
Terrae marisque crescit, & semper sua
Vi fertur vna, qua potest, & qua prius
Natura proprios impetus illi dedit.
Adde his liquentis lucidosque fontium
Fluxus, & altis amnium cursus vadis
Ripas amoenas inter, inter collium
Aprica, & herbis suauibus virentia
Camporum. At imas montibus subsidere
Valles, & altos erigi conuallibus
Montes ab imis, limpidos sterni lacus
Subter virentum rupium cacumina¬
Quis non, serena mente qui sit praeditus,
Miratur? Aut cui non quoque est miraculo
Immensa marium littorumque vastitas,
Et insularum varius ac gratus situs?
Quicquidque tandem reddit & seruat decens
Ornatus orbis omnium pulcherrimus?
Quid? si quis ipse se intus, ac extra aestimet,
Et alterum se tum esse mundum sentiat,
Opusque summi opificis ac munus sciat,
Deumque propè, id est illius ad imaginem
Et similitudinem editum se nouerit,
Diuinitatis qui capax, sapientiae
Ac mentis aequè particeps sit, dotibus