575
290 IOANNIS AVRELII AVGVRELLI
Lumina praeferret, quibus haud errare liceret
Amplius, ac certo possent insistere calle.
Quare age ad hunc iunctis manib. concedere supplex
Audeto: nam te venientem expectat, vt amplo
In gremio accipiat. Perge, & commissa fateri
Incipias, & te iam deliquisse dolentem
Poeniteat, quacunque etiam ratione modoque
Expurges, promptusque luas pro crimine poenam,
Atque imo expressas penitus de pectore voces
Effundas illi, cuius tibi gratia plenè
Mox aderit, teque amplectetur, & vndique caelo
Gaudia erunt, quib. haudvsquam maiora supersint:
Illic nanque magis gratari contigit vni
Conuerso à vitijs superûm ad caelestia regna,
Quàm si complures, quorum sanctissima vita
In terris fuerit, supera ad conuexa ferantur.
PASCHA.
Haec est illa dies, rerum quam con¬
didit auctor.
Ite omnes mecum linguis ani¬
misque fauete.
Laeti omnes mecum laudes &
laeta canendo
Carmina, sic regi caelorum reddite grates.
Tuque pater sancte in primis, cui plurima semper
Relligio, & verae fidei obseruantia cordi,
Perge diem laetus solenni ducere pompa
Muneris immenso plenam caelestis honore,
Vtque soles, regali ornatu & pectore puro
Prosequere, & cuncto demum hanc complectere cultu
Christicolas inter proceres, mediusque fideli
Concilio, ac lecto praecelsus in ordine patrum.
Sat lachrymis, tristique datum pro tempore luctu,
Quanquam pro scelere haud satis est, & crimine nostro
Sed tamen naec iugi defleuims ore, precesque
Addidimus, clemens quas exaudisse redemptor
Creditur, & fessis hominum iam parcere rebus.
Hunc etiam vt miseris quondam violarit iniqua
Turba modis, tuleritque pius ludibria mille
Sensimus, haec eadem soliti memorare quotannis.
Vidimus & cunctis, sibi quos elegerat ipse,
Discipulis aegrè fugientibus, vndique saeua
Latronum rabie septum, durisque reuinctum
Nexibus, & foedè ad proceres per compita raptum.
Hîc illum vt vulgus vęsanum riserit, vtque
Conspuerit, flagrisque afflixerit, vtque profano
Vexarit ritu diuinum corpus, abundè
Hausimus è sanctis scriptoribus, omnia largo
Interea fletu complentes, & graue mentis
Affectae toto promentes corde dolorem.
Denique sublatum cruce vidimus omnipotentem
Cunctarum auctorem rerum perferre dolores,
Et duros mortis cruciatus, quos neque quisquam
Pertulit in terris vnquam, neque sensit, & heu heu
Ne nos aeternùm moreremur, concidit ille
Indutus mortalem hominem, qui cuncta crearat
Aeternus, semperque manens, semperque futurus
Idem, & qui nutu mouet, & quęcunque ministrat.
Haec ita praeteritis fuerint celebrata diebus,
Et ritu seruante, pio permista dolore.
Ast hodie à lachrymis hilari perfundere mentem
Laetitia est opus, & vultu praeferre sereno
Gaudia, quae nullis cedant, cum maximus ipse,
Qui se deludi passus mortalibus aegris
Occiderat caede infanda, nunc morte subacta,
Conditione hominum superata, postibus orci
Perfractis, victor supera ad conuexa redire
Vt voluit, subitò se contulit, & deus, atque
Verus homo, sed non adeò mortalis, vt antè,
Amplius: at contrà diuino totus inhaerens
Quà mortalis erat, se nobis ipse videndum
Praebuit, in dubio ne quid superesset, & illa
Luce resurgentem, qua se praedixerat, omnes
Nossemus, pariterque necis vitaeque potentem.
Quid nos? an non cum Deno surgemus & ipsi?
Surgamus: Primum à vitijs hic transitus esto
Ad summos apices, virtutem & relligionem,
Mox ad caelestes superos, patriamque supernam,
Non aliam ob causam supera de sede profectus
Hic adijt genus humanum, quam ducere secum
Vt posset nos hinc alacres, atque ire volenteis.
AD TRYPHONEM GABRIE¬
lem, P. Venetum.
Quò sinitis socij me per deserta va¬
gantem
Haec loca nunc ferri? quae iam te¬
nebrosa sub antra
Consertos inter vepres, atque aspera faxa
Ducunt, & vario perplexum errore viarum
Exercent, semperque premunt, atque vsque fatigant.
Nec vestrum quisquam tanto in discrimine dextram
Porrigit, atque vagum fallaci in tramite sistit,
Aut docet ire viam praesens, & in ęqua reducit.
At qui olim multi, vel tu reuocare solebas
In primis me chare Tryphon, si fortè parumper
Deuius à recta iam declinare videbar.
Orsus eram, vt paruę poterant in carmina vires,
Aetherei secreta procul vestigia cantus
Pone sequi, afflato quos olim protulit ore
Ad citharam vates, quem non imitabile carmen,
Atque hominum supra captum, cecinisse fatentur
Voce palàmcuncti, qui sacra ad limina tendunt
Veri secreto commoti numine Phoebi.
Atque ita suspiciens, humilisque & pronus adorans
Tentabam si qua ille mihi se fortè fauori
Praeberet precibus crebris oneratus, & vnà
Affectu hoc nostro motus, propriae ne benigno
Assensu potius, & solo munere mentis:
Tandem hac spe tantum perstans, tum totus in illis,
Quae quondam is cecinisset, eram, nec caetera potero
Linquebam interea legis pręcepta vetustę
Quin legerem grauium auctorum, versabar & inter
Quae mihi grata forent, atque apta sensibus annis.
At nunc nescio qua tenui dulcédine captus,
Aetatis praeter solitum iuuenilia ludo.
Ecquid permittes haec me per inania duci?
Quae