575
292 IOANNIS AVRELII AVGVRELLI
Ergo iterum populorum vrbem rerumque potentem
Iussus adit, profertque palàm minitantia verba.
Illi continuo pauitant, ac iussa facessunt,
Et scelera his ritè deus expurgata remittit.
Parcere subiectis nouit pater, & pius idem
Humano quondam generi commissa pepercit:
Immeritamque luit nostro pro crimine poenam.
Mortem adijt, ternosque dies iacuisse sepulchro,
Substinuit, totaque super mox gente salutem
Attulit, atque viam supera ad conuexa reclusit.
Huic etiam quocunque loco, quo tempore cunque
Magna vel, aut iam parua velis, sunt omnia curae.
Vam quis me potuit tantis arcere periclis?
Caelestis ni tum fauor afforet, & deus ipse?
Tu mecum Antoni, precor, haec Vonica videto,
Atque eadem prudente diu cum mente voluta.
Nam dum ipse angustis agitabar talibus, ecce
Assistunt iuuenes duo protinus, inque fluenta
Prosilit alter ouans, ripa se continet alter
Sedulus, ille feri dextra capit, & tenet aurem,
Ac mihi, Ne metuas, inquit, procedit, & vnà
It mitis, prius asper equus, ripęque propinquat.
Vnde manum exponit placidus, qui restitit antè
Meque ambo incolume sicca tellure reponunt.
Deinde alacres abeunt, illis dum reddere conor
Ac superis meritas imo de pectore grates,
Hos ego non vlla memini regione videre.
Sed mihi tum primum visi, nec contigit vltrà
Vidisse hos alias, quorum si fortè requiris
Scire habitum, viridi florebat vterque iuuenta.
Sed mihi qui medijs praesens haerebat in vndis,
Altior, vt qui equite me tunc aequaret eundo,
Et latis ingens humeris incederet Heros.
Quem vero attentum ripae de margine dixi
Expectare, manumque vltrò prębere roganti,
Hic agilis dexterque & agendis omnibus aptus
Rebus erat, vultuque omnem praestabat honorem
Quid geminos olim Pollucem & Castora iactet
Prisca aetas, multis praesentes saepe fuisse
Auxilio? non hos etiam mihi fingere diuos
De facie atque omni prorsus virtute liceret?
Verum haec no adeo nos commentemur amice,
Sed nostris persaepe deum succurrere rebus,
Qui pius afflictis hominum miseretur & aegris,
Et malè pro meritis nobis benefacta rependit.
AD BARTHOLOMAEVM
Agolantum, Taruisinum.
Te quoque ad has epulas inuitas¬
semus amice,
Nouerimus ni te multis Ago¬
lante teneri
Quę tibi iam gustanda prius sunt
nempe necesse,
Quàm te isthuc conferre velis ad prandia nostra.
Sic fortasse monent faciendum, vt praeuia quędam,
Quae gustum exacuant, & quae sint grata vorems
Deinde assistamus mensae cunctando salubri.
Coepisti propius rerum discernere causas,
Ac quo vis humana potest se ferre, laboras
Tendere, & hoc animi studio te explere beati,
Si quid in humanis tamen est quod nomine tanto
Digneris: nam quae linguis sunt tradita vtrisque,
Iam pridem tibi nota, manent te grandia tantum
Caetera, quae versas, quibus & iam sedulus vnis
Ipse diu incumbis, satur vt quandoque reuersus
Expletusque illis, veluti conuiua sagacis
Ingenij videas, epularum an forsan odorem
Gustaris tantùm immunis expersque saporis.
Sunt ea nimirum reliquis praestantia cunctis,
Quae cupiunt, quęruntque etiam mortalia corda.
Verùm & ad hęc, & in his semper sub luce maligna
Tendimus, & varijs sic circumfusa tenebris
Incidimus, simile vt veri quandoque repertum
Dicere, vix possis casu, ratione quod optas
Quaesisse, & propria tentas indagine mentis.
Quam satius sapiens Sophiam deducere caelo
In terras dictus, qui contemplanda relinquens
Quae reliquiassuerant totis perquirere auentes
Viribus, edocuit spectari proxima nobis
Virtutem amplecti, vitia insectarier, omnem
Denique perpetua vitam componere lege.
Sed quid is, aut vlli, quanquam meliora sequuti
Sint alijs, poterunt nostris conferre? quid ipsis
Rebus inanis enim rerum contenderet vmbra?
Vna haec, quam sequimur, Sapientia & vnica virtus
Hujus nunc studio addicti vacuique tenemur.
Hanc tu etiam cum tempuserit (licet id quoque semper
Extet, & haud sero nunquam incipiamus) vt illa
Quae tam nunc auidè sectaris, coeperis, inquam,
Ad plenum, amplectêre quidem & sectabere solam.
Impuseris fortasse & vt huc Cassellius altè
Conscendat tecum comes: ęqualem ipse meum iam
Nunc orare Bononium adopto, vt dulcia tandem
Quae canit, ad superûm conuertat carmina laudes
Et grauis huc tanti diuertat semita vatis.
Nam Vonica meus iampridem Antonius alinam
Assiduis legem manibus versare putauit
Esse viri, qui multa aliàs iam legerit, & qui¬
Viderit expleta haec falsis & inanibus esse.
Quanta est nostra quidem, ne quis se iactet, in vllis
Cognitio magnis? animo cum nempe capaci
Nemo adeò est, qui se, nedum caelestia, captet.
Nec fas fortè ea scire, nisi cum libera prorsus
Corporeis vinclis & caeco carcere mens est
Ast eadem nos velle licet, simul ipsa frequenti
Suspicere affectu, totaque requirere mente.
Hinc amor ille potens, qui iam, simulatque reliquit
In terris socias feruentes spemque fidemque,
Toto aeuo electos demum comitatur Olympo¬
AD