575
294 GERONTICON LIB. I.
Ipsa elaboraret, neque haec magni tamen
Nunc adeò facere vel probare, vt anxiè
Terra marique, sedulò, domi, foris,
Vt fit, petantur omnibus periculis,
Ac digna tanto sint honore denique,
Errore mentis quantus his vanae datur:
Quae si parentur, non minus molestiae
Profecto, quàm iucunditatis afferant.
Secumque multo sic melius actum putat,
Quàm si iuuentam protulisset longius.
Vidisset, inquit, multa quae mortalibus
Acerba casus, vel voluntas attulit
Maligna saepe, vel potestas acrior,
Quàm ferre possit aequa virtus vllius
Vnquam vicissim, sic laboribus
Connexus alter alteri superuenit
Semper, nec vlla concitis semel quies
Datur laborum vel malorum fluctibus.
Pluraque alia quoque, maximè verò omnium
Priuata, publica, vniuersaque incommoda,
Iniqua patriae quae tulerunt tempora,
Sensisset. At nunc caelitum vacans choris,
Interque diuas ambulans felicius,
Quibus beata perfruatur gaudijs
Vix suspicari possumus, ne dicere
Id audeamus his minutis versibus,
Hoc praeter vnum, quòd venusto nomine
Iam Clara, nunc re sidus it clarum polo.
AD M. HIERONYMVM
Vidam, P. Cremonensem.
Esse ferunt collem Phoebo Musisque
dicatum,
Quo cuncti pariter certant con¬
tendere vates,
Atque sacrum approperant illuc haurire liquorem,
Perpetuamque virere putant in vertice laurum,
Vnde queant caput optata vincire corona.
Cernere propterea est nonnullos montis ad imam
Radicem se ferre, & sub radice moranteis
Conterere hîc aeui partem melioris, vt alta
Qui spectare procul contenti culmina, si quid
Diuini laticis valeant contingere summo
Tantùm ore, aut ramis felicibus arboris almae
Sorte aliqua frondis vllas legisse cadentes.
Sunt etiam, vt referunt, & qui reptare laborant
Ad mediae septum magno conamine rupis,
Intra quod pauci sic adinittuntur, vt vnus
Hisce locis, altérue queat satis esse videri.
Quid qui infrà positos ausus contennere, sese
Tollit, & in summo scandentem vertice sistit?
Atque inter lauros, atque ipsa ad limina fontis
Constituit Musis aram Phoeboque sacerdos,
Affaturque illic diuos auditque videtque
Felix? ò mihi si saltem in conualle propinqua
Versari detur, quid fortunatius optem?
Atque id nunc operam do, quo me demere vulgo
Assuescam, mediterque procul diuina tueri.
Nanque vltrà proferre pedem tardante senecta
Haud ausim, satis est quoniam, si non pede claudo
Inferimur lutulenta atque in salebrosa viarum,
Qua multi è priscis etiam venêre volentes.
Tu verò, cui Seriades se ostendere Nymphae
Dignatae quacunque duces comitesque dedêre.
Perge, iuuetque iugi iam peruenisse sub alta
Culmina, dum vires, ac dum praestante iuuenta
Vida potes quencunque & adire, & ferre laborem.
Namque illic quodcumque agitas, animoque reuoluis
Praestò erit, & tibi se manifesto in lumine pandet
Ni penits vanae modò me lusere puellae
Pierides, miris è nexibus extricantes,
Cum tibi eas docta fingentes serica vidi
Fila manu properare, atque internectere, queis se
Implicet, atque voluens pergat circundare bombyx.
Quin oriturum etiam vatem committere alendum
Formandumque tibi vidi illas omine certo,
Cùm ter te attonitum duxere altaria circum,
Atque eadem ternis etiam cinxere choreis,
Actutumque tribus fulserunt omnia flammis.
Praeterea ludos belli simulachra cientes
Edocuere modo quo gratè dicere posses.
Tum veros Martis strepitus & signa tubasque
Audire, atque videre, interque horrentia ferri
Agmina concessere, ac pleno ferre per orbem
Aequato quondam certamine praelia cantu.
Quare age perpetuum primaque ab origine carmen
Audacter, quod mente diu iam concipis, ede.
Vt scelus infandum gens ausa est impia quondam
Cunctarum aduersus rerum patremque deumque,
Optima quem toties adeo mandata docentem
Audierant auidi, videre & mira frequenter
Ac passim peragentem, & non mortalia quoquam
Praestantem, at prorsus prae se diuina ferentem.
Nanque palàm hauserunt oculis atque auribu. ipsi,
Vt primum in terris vagitus protulit infans
Maximus, esse deum, qui nos inuiseret alto
Demissus caelo, cùm supra vilia tecta,
Sub quibus in paruis iacuit praesepibus ille,
Videre insolitum radijs fulgentibus astrum.
Caelestesque etiam supra sensere canentes.
Et flexis illum genibus venerantia bruta,
Ac reges pariter diuerso ex orbe sequutos
Sideris exorti cursus, & dona ferentes.
Caetera quid memorem tota sanctissima vita
Acta illi, confessa deum & testantia solum?
Haec te namque manent, haec te tua submonet ipsa
Relligio, cultusque dei, & praestantia vitae
Ordiri, atque super fauet his tibi conscius aether,
Aeternumque parat ventura in secula nomen.
Ipse autem, si quid me fors ea gratia tangit,
Exiguam tantorum operum vel sumere partem
Conabor totis ornandam viribus, aut si
Inualidi nequeant humeri iam pondera ferre
In promptos saltem affectus, & debita mentis
Munera descendens, lachrymis mox cuncta replebo
Quo mihi cunque dabunt sese per carmina vires,
Ad fixas clauis plantas, ad pectus apertum,
Ad caput impressis confossum sentibus almum.
Geronticon primi Finis.